السلام عليكم
بقالى اكتر من شهر مكتبتش فى البلوج مش لانى مش لاقى حاجة اكتبها لا بس كنت مشغول كتير شوية
بس الشهر ده من 10/4 لحد 16/5 يعنى شهر واسبوع كان اعتقد من انجح الشهور فى حياتى وافشلهم على الاطلاق
طيب بأختصار
اولاا … يوم 10/4 الى 15/4 كنت فى اسيوط بأدى الواجب الوطنى او مسابقة تبع كليات حاسبات اسمها ملتقى حاسبات
وكنت ممثل الكلية وجامعة المنصورة فى مسابقة تصميم المواقع … والحمد لله خدنا المركز التالت بعد شوية مشاكل وكوسة وحاجات من دى بس عادى المهم الواحد شاف انه احسن الناس اللى موجودة او من احسن حتى
وده التصميم لو محدش شافه
ثانياا …. بما انى اتعرفت فى الكلية انى شغال فى الويب ديزاين فا جالى تاسك ومشروع مع حد مش هاقدر اقوله لا وهى عميدة الكلية ودكتورة مادة عندنا والمشروع خلص الحمد لله بس الموضوع مش فى كدا انى اتعرفت على ناس كنت احسبهم عكس ذلك طلعو ناس محترمة اوى وزوق اوى زى باشمهندس هيثم و دكتور ايمان الديدمونى
وده لينك المجلة اللى اشتغلت عليها … ممكن تشوفوها من هنا
ثالثااا … لما خلصت الحاجات دى بدأت اشتغل مع الكات وعملت اول سيشن تقنية للجونيور او المستجدين فى الكات
وممكن تشوفوها من هنا وتدونى تعليقاتكم
رابعااا …. وده الاكبر والاهم وهو كات اسكوب 11 الحمد لله نجح نجاح ساحق عداا كات اسكوب 8 اللى كان من انجح الاسكوبات اللى عملناها لكن ده كان ليه طابع خاص روح التعاون والحب بين التيم واى مشاكل بتتحل لما تيجى تبص ليه كل ده … عشان انا اتعلمت فى الكات ولازم اديها اد ما ادتنى مع ان ده صعب وعشان ربنا لان لازم علمك ده حتى لو قليل الناس تستفيد بيه … والحمد لله عملت تانى سيشن ليا فى الاسكوب بعد اسكوب 10 والحمد لله برأى الناس
انها كانت قوية ومفيدة وبرده ممكن تشوفو البرسنتيشن وتقوللولى رأيكم من هنااا
وخلص الشهر امبارح … وان كان دى نجاحات الا انى حاسس بقمة الفشل انى بقالى شهر بحضر سكاشن ومحاضرات لكن حاسس انى بعيد اوى عن الدراسة والخوف بيزيد وانا فعلاا بعيــــــــــــــــــــــــــــــــــــــــــــد اوى ومحتاج دعواتكم لو كنت اهمكم
سلام عليكم
M3t00 Z0N3 !! 