Tag Archives: ah ya baldna

Black Honey (عسل اسود)

https://i1.wp.com/sphotos.ak.fbcdn.net/hphotos-ak-snc3/hs451.snc3/25854_121182627896366_120618597952769_301771_795356_n.jpg

خدتينى 100 ألم
انا شفت فيكى مرمطة وعرفت مين اللى اتظلم
ليه اللى جايلك اجنبى
عارفة عليه تطبطبى
وتركبى الوش الخشب وعلى اللى منك تقلبى

عارفة سواد العسل؟؟
اهو ده اللى حالك ليه وصل
ازاى قوليلى مكملة وكل ده فيكى حصل؟؟؟

يا بلد معاندة نفسها
يا كل حاجة وعكسها
ازاى وانا صبرى انتهى لسة بشوف فيكى امل!!؟؟

طرداك وهى بتحضنك
وهو ده اللى يجننك
بلد ماتعرف لو ساكنها والا هى بتسكنك

بتسرقك وتسلفك
ظلماك وبرضه بتنصفك
ازاى فى حضنك ملمومين وانتى على حالك كده!!؟؟!!؟؟

Tagged ,

الديمو- قراطية وانا

السلام عليكم … زوارى الكرام

انا النهاردة هاتكلم عن موضوعين مهمين جداا بالنسبة ليا قبلكم

اول موضوع وهو الديمو – قراطية , منذ ادركت الحياه من حولى وبداء ادراكى بما يطالب به شعبى وبما يقوله المسؤلين منذ هذه اللحظة وانا اسمع الجميع يطالب بالديموقراطية   واسمع ايضاا فى المقابل ممثلى الحكومة يصرحون ان فى ظل الديموقراطية ومصر تعيش ازهى عصور الديموقراطية

مين الصح ومين الغلط ؟؟ سؤال بداء يكبر ويكبر كل ما اكبر فى السن ولكنى فضلت ان ابحث عن الاجابة وحدى لعلى اصل لحل يهدنى ويخلينى اسكت , بدات ابحث عن معانى كلام الديموقراطية والدكتاتورية واحاول ان ااجد معانى وبديلها باللغة الانجليزية . وجدت وبعد بحث مضنى -بتتقال لما الواحد يتعب -ان احنا بنطلب الحاجة الغلط وكذلك الحكومة بتوفرلنا ما نطلبه اى الغلط فينا يا كبير .

حد يقولى وعرفت كدا ازاى يا بومبو -على طريقة معلقنا محمود بكر- ما نطلبه هو الديمو — قراطية , دعونا نفصل الكلمة لشقين اول شق الديمو وهى الحاجة الناقصة مش الكاملة تانى شق بالترجة الحرفية لجوجل قال معناها لنفسه ومحاولة منى لكشف معنى الكلمة كاملة وجدت اننا بنطالب بالشىء الخطاء بنطالب بحاجة ناقصة لنفسنا فا الطبيعى انهم يدولنا اللى بنطلبه نااااقص وبعمل نفس الطريقة مع كلمة الديكتاتورية او ال لديكتاتورشيب اى سفينة الدكتاتور – عزبه اهله بقا- فا طلع اللى انا اكتشفته صح جدااااااااااااااااااااااا احنا لازم نضحك على الحكومة ونطلب الحاجة من غير مساميات

بنطلب حياه كريمة وطفل يتعلم صح وشاب يقول رايه ومخفش لما حد من اهلى يعيو يلاقو الدوا و المستشفى اللى متسرقناش لا فى الفلوس ولا فى جسمنا مش عايزين كوسة ولا تحرش ولا معاكسات مش عايزين نضرب على قفانا عايزين كرامتنا برا وجوه قبل براا .. وانا كا شاب متعلمش من طفولته حاجة تخلينى اكون مبدع … بقولها وباعلى صوت انا عايز اولادى يتعلمو بلاش انا اولادى يا ريس اولادى يا حكومة . مش عايز اكتر من انى القيلهم رغيف وبيت ولبس ومدرسة مش عايز اشحت مش عايز اسافر برا اتهان لانى متهان فى بلدى وطالع اشحت برا واغسل صحون

تانى حاجة عايز اتكلم فيها هى كفااااااااااااااااااااااااااااية مش قصدى حركة كفاية مش قصدى المعارضة انا مش بتكلم عن الحكومة انا بتكلم معاكم ومعايا كا فرد من الشعب

كفاية شتيمة فيا وفى اهلى كفاية تشتم نفسك وفى اهلك مش كل حاجة هو اصلاا الشعب المصرى يستاهل ضرب الجزم اصل الشعب المصرى متربى على ال ………. اصل الشعب اصل الشعب … اللى بيتكلم مش مصرى ولا حاجة ؟؟؟

كلنا مخطئين والحل الامثل الوقتى ان كل واحد يغير من نفسه ويغير من اللى حواليه لو كل واحد عمل بما يرضى الله , معتقدش اننا ممكن نحتاج نقول الشعب المصرى ده ابن تييييييييييييييييييييييييييييييييييت

ممكن يكون الكلام ساخر بشكل غير منطقى بس حبيت اشرح وجهة نظرى واحاول ابداء بنفسى واللى حواليا واخليهم يفهمو اللى بعمله والله اعلم ممكن فى يوم اكون صح او اموت من غير ما حد يترحم عليا

سلام

Tagged , ,

الاستيعاب

https://i2.wp.com/www.hamasna.com/rmail/bucket.jpg


الاستيعاب كلمة بعد مرور سنوااااااااات من التعليم قلة قليلة يفهمونها ويقدرونها والكثير يتعامل بنظرية الجردل

هاتفهمو يعنى ايه النظرية دى ادام .. نيجى لنقطة التوبك الاصلى وهى الاستيعاب لو رجعنا بلزمن فى تفكرنا شوية  وعملنا فلاش باك وانت قاعد على ديسكك بين اتنين او تالتهم من اى طرف ومع محاولات ايجاد مكان يستوعبك وعندما يبداء المدرس بلشرح وتتسارع انفاسه وه يلهث وراء طباشيره على السبورة ونحن نلهث ورائه على كشاكيلنا

نسال ليه كدا يا مستر يقولنا عشان منتاخرش او البعض يقول عشان متاخرين عن فصل 3/4او السنة هاتخلص من غير مناخد المنهج ما العلم ان نفس ذات المدرس بيديلى درس واراه فى الحصة يشرب شاى ودماغه رايقة .. مش مشكلة

كبرنا شوية لقيت نفسى وسط نفس الاتنين على ديسك اخر فى فصل اخر وامامى مدرس اخر ايضاا ولكنه متكاسل واو نائم او يشرح بقرف بما تحمله الكلمة من معنى لانه يرهق نفسه فى الدروس طيلة اليوم مش فاضيلنا هايجيب منين وقت يستعب كل شغله المهول … خير خير

كبرنا قليلااا لاجد نفسى بين اصدقائى على بنش , منهم واحد معايا من اول دسك قعدت عليه من مسيرتى التعليمية وامامى دكتورة رئيسة قسم وعميدة كلية ورئيسة قسم فى نفس االكلية اللى هى عميدة عليها مفيش استعاب لشغلها طبعاا وبلتالى مش لازم البنى ادمين اللى ادامها يقدره او تبص لنظرية الاستيعاب بلنسبالهم . لا , تاتى علينا ب 97 سليد وكل سليد بنظام 9*10 يعنى 90 كلمة فى السليد غير الصور و و و ولازم تديهم ومينفعش مندهمش فى محاضرة تانية تجاهلت كل العقول اللى ادامها وبدات تجرى وتلهث فى الشرائح كان عليا ان اسئل ليه؟؟؟ بس كنت اخشى من اجابة سؤالى وهى ترد عليا متاخرين .. تستفزنى جدااااااااااااااااااااا هذه الاجابة الان . محاضرة ومحاضر وطلبة , متاخرين عن فصل 3/4 برده؟؟؟ ولا احنا عندنا منهج طيب لو عندنا منهج فين الكتاب ؟؟؟ طيب احنا ليه بقينا بندش دشااا فى كلية علمية فى مادة كل العالم يدرسها عملى الا نحن .. الاختلاف تميز برده

اصابنى هذا اليوم هيسترياا بعد المحاضرة ضحك ونحن  نعانق بعضنا متجاهلين انفلونزا الخنازير ولكنن فارحين على قول واحد المحاضرة خلصت مبرووووووك

اقولها صادقاا انى حاولت بجد افهم بس شوية شوية مقدر الفهم بيقل لحد ما انعدم وبقيت زى الجردل اللى فوق

لا اخشى ان اقول على نفسى جردل فا كلنا جرادل يا عزيزى ارجع لمسيرتك التعليمية ارجع لتعداد بلدك ارجع ارجع ارجع ولكن احزر من السقوط


هذه هى قضية الاستيعاب

استيعاب مكان وعقول استيعاب وقت …. فشل زريع

الحلول ممكن تكون ايه؟؟

مدارس اكتر , التزام مدرسين اكتر, ودكاترة ,

الله اعلم

انت رايك ايه؟؟

ايه الحل ؟؟ ولا هانفضل نفتقد هذه الكلمة الا وهى الاستيعاب ؟؟

الى القاء

Tagged , , , , , ,

حقها ولا مش حقها؟؟؟

https://i1.wp.com/www.youm7.com/images/issuehtm/images/youm/youm7kar/k1082009.jpg




رمضان كريم

عليكم

وبما اننا فى رمضان

يبقى هوب يلا مسلسلات وبرامج للركب

والحاجات دى هاتكسب منين الا من الاعلانات

فا نتخنق احنا مش مشكلة

اعلانات شيبسى ولا بيبسى ولا ولا عادى

بس لما الاعلانات تبقى مستفزة هى دى المشكلة … لما يبقى نص الاعلانات على مصلحة الضرايب فلوسك اولاا هى اللى تكون ذات النصيب الاكبر يبقى فى حاجة غلط

حضرتك كا مواطن مصرى بتدفع مقابل مياه وكهربا وغاز  وتليفونات وراضييييييييييييييييييين

يجى بقا على الضرايب ماشى معروف ان الضرايب من زمان مش مشكلة

يجيلك فى حاجة جديدة ضرايب العقارات

وبما اننا ماشين فى سياسة ابجنى تجدنى وهاتروح هاتيجى هانقلبك فى اللى ف جيبك

طيب

لما حد يكون بانى عمارة وعايش فيها وسايب شقة لولاده او بياجر شقق عشان هو من  محدودى الدخل وعايز يقدر يجارى الاسعار المتزايدة رغم اننا بندفع ضرااااااااااااااااااااااااااااااااااايب من زمان

رغم كل ده برده هايبقى فى فلوس على العقارات دى

هانقول لا هانثور برده احنا شعب سهل انهم يساكتونا باعلان وهمى زى بتاع القطارات الجديدة دى …. واللى راح المحطات مش هايلاقى جديد

ويقولك فى الاعلان ان عبد القوى وحش شرير بيقنطر فى الدفاتر

عيب يا عبد القوى ده اللى بتديه من الشمال هايجيلك من اليمين

ويقولك ابن عم خالة اللى بيبنى الكبارى هو اللى انت بتعمله الشقة

طيب لحد امتى هانفضل نعمل فى كبارى والاساس مضرووووووووووب

الشعب محدودى الدخل والمستشفيات ولحد الوقتى بنبنى فى مستشفى السرطان امال الضريب بتروح فين ؟؟؟؟؟؟؟؟؟؟؟؟؟؟؟


نط فى زهنى جملة نفيسة البرنامج العجيب ده

حقها ولا مش حقهااااااا؟؟

حقها ولا مش حقهااااااا؟؟

حقها ولا مش حقهااااااا؟؟

الدولة يا جماعة حقها فعلاا ؟؟

ولا انا اللى متحامل عليها




رائيك بصراحة دون قيووواد


Tagged ,

Sorry

السلام عليكم

انا جاى النهاردة اقول انا اسف للمخرج خالد يوسف

محدش يفهمنى غلط ومحدش يقول عليا مجنون

انا فى البوست ده

نقدت واساءت للفلم وانا متفرجتش عليه اتفرجت بس على الاعلان

نقدت القصة وكاتبها وانا معرفش اصلاا القصة

بعد ما شوفت الفيلم

اكرر اسفى

وجه نظرى بعد ما الفيلم انا اتفرجت عليه

نسخة من على النت

الفيلم كا قصة بجد بجد رائعة

فعلاا الناس اللى هاتتفرج عليه هاتعرف ليه كل يوم بنسمع حكم بالاعدام

وبنسمع عن قتل واغتصاب وتشريد

انا مش عايز احرق الفيلم على حد

الاخراج … دعونى اقولها بصراحة خالد يوسف اثبت انه مخرج بارع واعتقد ان ده احسن فيلم عمله فى تاريخه الفنى من وجه نظرى المتواضعة فى مجال الاخراج

اللممثلين جميعاا كانو على قدر كبير من الابداع الفنى

عادا المخلوقة او اللبنانية هيفاى وجدى

الدور يتطلب

واحدة بنت بلد رومانسية جدعة اللى عايز تقوله قوله

والمخلوقة المذكورة اعلاه لم تكن جديرة بلدور ده

اضافة ان حوارها كان فى بعض الاخطاء ||دى مش مصرية وربنا || يعنى افقدت الدور رونقه وابداعه رغم انه لو كان اتعمل صح بمعنى الكلمة كان جدير جدير بجوائز عالمية

اضافة ان المخرج والكاتب والمنتج وكل من قام على ادارة الفيلم جميعهم اخطائو فى حق شعبنا ورجال الدين

وهى دى اسوء ما جاء بلفلم فى لقطة || المراجيح|| بجد دى اسوء ما فى الفلم ويمكن ان تجعله الاسواء فى هذا الموسم

اعتقد عادى جدااا لو ان الاختيار كان من ممثلة مصرية ويكون دورها محترمااا حيث ان ذلك لا يؤثر اطلااقااا على بنيان القصة

الفيلم ادبيا واخراجياا وتصوير رائع لكنك افتقدت نقطة غاية فى الاهمية وهى عدم احترام مشايخنا واخلاقنا واخلاق مجتمعتنا تمثل ذلك فى بعض الالفاظ الخارجة وتصرففات المخلوقة المذكورة اعلاه

هذا هو نقدى اللى اعتقد اتبنى على اساس انى اتفرجت على الفيلم كاملااااااا وما قلته هو ما استنتجته وما رايته ايضااااا

*************************************************

ناتى للجزء الثانى من البوست

وهانتكلم عن القصة ذاتها دون الرجوع للفيلم

القصة رائعة بكل المقايس

يتحدث عن علاقة الابناء والاباء والابناء والابناء اللى مش من ام واحدة

والظلم والجحود وقلة الضمير بين الاهل وبعضهم

تبداء القصة من يوم وفات القائد الرئيس محمد انور السادات حتى عاماا هذاا

ياتى فيها المخرج خالد يوسف من اسقاطات سياسية وتغير احوال الشعوب واهل البلد

واخيراا يسقط اسقاطته الاخيرة اللى عشانها اتبنى اساس الفيلم

وهى كثرة القتل وتفشى الفساد والسرقة والاغتصاب ومعاملة المسلم لاخيه المسلم

وذلك لاننا ايضاا كا افراد من افراد الشعب لم نعد كما كنا لم نعد كما كنا مع اهالينا

نجد اب يقتل اولاده او يقتل اسرته كاملاا او يشعل النار فيهم

اصبح القتل اسهل من كلمة صباح الخير

اصبح الخوف اكثر من الشهامة

اصبح الحب بلمال

واصبح المال هو المالك والامر والناهى .. اعوز بالله


اللى اتفرج على الفيلم يقولى رايه ؟؟؟؟

سلام

Tagged , , ,