السلام عليكم
كل سنة وانتم بخير دايما وعيد سعيد عليكم
من فترة كنت اشتريت كتاب بلد متعلم عليها للكاتب الشاب مصطفى شهيب
اللى فوق ده غلاف الكتاب
الكتاب راائع بما تحمله الكلمة من معنى .. مش فى سخريته هو مش بيسخر من حال البلد نهائياا
هو مسك جانب واحد وشرح فيه وجهة نظره وجه نظر اى شخص محترم اى شاب بيفكر
اتكلم عن البنت وتغيراتها الثقافية والاجتماعية وعلاقة الولد بيها
وظواهر زى التحرش والصدقات والملابس و و و و الحاجات الكتيرة دى اللى انا وانت بنتكلم فيها
هاديكو شوية مقتطفات كدا من الكتاب
تحت عنوان مثلاا كلام عجبنى
معظم البنات اللى لبسهم ضيق عندهم نقص … بيبقو مش حلوين فبيحولو يلعبو على جسمهم … والحلوين عايزين يبانو احلاا .. بس كداا !!
مفيش حاجة اسمها تقليد اعمى فى حاجة اسمها تقليد اهبل لانها مش شبهك
لما توفرو الشغل للشباب وتجوزوهم .. ابقو اعملو قوانين تعدم اللى يتحرش حتى ف ميدان عام … ومحدش هايعترض
الولد لا يمكن يفكر ف الارتباط ببنت جريئة ومتحررة .. لان الجرأة صفته هو .. هو اللى يطلع عينه عشان يتعرف عليها .. هو اللى بيصارحها بمشاعره .. هو اللى بيتقدم لها .. هو حتى اللى يبتدى يمسك ايديها … هو اللى بأختصار ممكن يعمل حاجات وخطوات هى المفروض انها مستحيل تعملها .. لمجرد انه شايف انها ارق من انها تعمل كداا .. لول شاف ان تصرفتها اوفر و تخالف اعراف وقيم المجتمع اللى هو اتربى عليها .. مش لازم يرفضها , بس هايعلم عليها كبنت ممكن يرتبط بيها
لا يجتمع الحب وقلة الادب .. إلا طبعاا ف الحب على طريقة تامر حسنى
نصيحة اقروه
سلام وعيد سعيد عليكم