اعقل

 

السلام عليكم

النهاردة مش هاتكلم عن حاجة سياسية او تشجيعية اكتر من انها مناقشة لموضوع ما .. الموضوع من الموضوعات اللى بعض الناس بيسموها نحنحة .. الكلام عن الارتباط و الحب

كلنا كا شباب من ولاد وبنات فى حتة فى دماغنا ديما بتزقنا للأرتباط فى ناس بتنجرف بسزاجة وناس بتبقى عندها مبادىء وخطوط حمراا ماحدش بيعديها لكن تعالو نفكر شوية فى بعض التفاصيل

كل واحد مننا عنده فكرة عن الارتباط و ليه عايز يرتبط هاخدنى كا مثال بما انى انا اللى بتكلم – حد ليه شوق فى حاجة – انا لما بفكر ارتبط انا بفكر بشكل مختلف يعنى مش بسيب لشهواتى التفكير بمعنى اصح و اكثر صراحة يعنى لا يستهوينى الانثى الاكثر انوثة الاوفر او اللى بتبقى ضاربة تلت اربع مكياج الدنيا فى وشها – ده مش معناه انى عايز ارتبط بقردة النوع ده للمعاكسة فقط – لكن انا اصلاا بفكر بشكل مختلف ممكن يكون مختلف عن معاليك او متشابه جداا .. انا بختار رفيق لرحلة بما يحمله من صفات ارتاح معاها وانا فى طريقى لحلمى ولحلمها هى كمان, ده يديك سبب انا ليه عندى موضوع الجمال ده مرتبة تانية لكنها مهمة زى ما قلت اكيد مش هاتجوز قردة

فى الفترات الاخيرة او تجربتى الوحيدة اللى كانت حقيقية كانت للأسف ايون للأسف بقلبى وده كان اكبر غلط! ليه غلط لان اكتشفت ان العاطفة لما تشتغل بعنف بتضيف على شخصيتك حاجات مش مستحبة ومن اهمها على الاطلاق الضعف .. بتضعف جداا ادام الشخص اللى بتحبه لحد الطفولية وده هايظهر حاجات مش لطيفة انها تظهر لاى حد عشان كدا بقول ان للأسف كان بقلبى.

الضعف ده خلانى الغى عقلى فى كثير من الحاجات – المشاكل يعنى – وده سبب فى مشاكل اكبر لانى لو كنت حكمت عقلى كان ممكن تكون المشاكل دى اتفه ما يمكن لكن خلينا نعترف انك بشكل او بأخر هاتضعف هاتضعف ده شىء غير قابل للجدال حتى لو انت مين خليك صادق مع نفسك.

طيب ايه الحل هو بقا اللى انا عامل الموضوع ده عشانه اصلاا الحل ده من وجهة نظرى يعنى ممكن تكون صح او لا .. مفتوح النقاش فى اللى هاقوله ده

انا شايف ان الحل هو وجود عقلك فى اكتر من سبعين فى المية من الاختيار من الاول وانت ع البر .. اوعى تسيب لقلبك الاختيار – عارف حملة اوعى ايون اوعى تجرب – بما اننا اتفقنا – على اعتبار اننا اتفقنا – اننا بنضعف بنضعف لا محالة فا اضعف ادام حد يقدر ضعفك حد يضعف هو كمان عشان يحققلك اللى انت عايزه حد مايستغلش ضعفك انه يستقوى عليك حد يقدر انت بتعمل ايه عشانه عشان يقدر ضعفك وانكسارك ادامه ده مش ذل لكن للأسف ده الحب .. بحكم تجربتى القصيرة جداا بحجم اد ايه كئابة ادتنى فى وشى الا انها كانت تجربة اتعلمت منها حاجات كتيرة اهمها انى مخفش انى اقول انى مريت بتجربة فاشلة الا انى اتعلمت منها ازاى بقا مافشلش عرفت طريقة للفشل زى ما بيتقال .. عرفت ازاى اتعامل و امتى ابقى شرير و امتى ابقى نحنوح 🙂 – اتمنى – قدرت نعمة العقل اللى ربنا قدمهالنا عشان نستخدمه فى كل تفصيلة فى الدنيا

حكم عقلك ومتخليش حد يستغل ضعفك او انت تستغل ضعف حد .. كن على اد المسؤلية فقط وبس

بس خلاص

Advertisements

7 thoughts on “اعقل

  1. Amany Omar says:

    😀 😀
    قولهم حاجة يا عم !!
    إيه الكلام دا والله عايزا أقولو لناس كتير .. بس مش أنا
    عشان حسا إني وصلت للمرحلة اللي بتكلم عليها من النضج العاطفي دا !

  2. Amany Omar says:

    أها حاجة كمان
    حبيت الصورة جداااااااااااااااااااا

  3. Rana el-Mowafi says:

    aiiii :S ,, ana albi wag3nii ..

  4. التدوينة معبرة جدا و عندك جدا في كل نقطة

    بس يعني الكلام سهل قوي يا معلم

    سهل قوي قوي قوي قوي قوي قوي ايون سهل جداا

    التنفيذ بقي ؟

    انت نسيت ان احنا كائنات مريخية يا اما نحب يا اما نفكر ؟

    هم بيحبوا و يفكروا في نفس ذات التوقيت عادي جدا انهن كائنات زهروية

    كانها بتبطخ و بتكلم في الموبايل و بتتفرج علي التفزيون عادي جداا

    احنا يا بتنحين قدام التلفزيون يا ملبوخين في المطبخ يا بنتكلم في الموبايل

    😦

    تدوينة في محلها

  5. أنا ليه حاسس انك بتضحك على نفسك! مجرد كلامك عن الموضوع دا يبين انه فى دماغك لسه ومش عارف تنساه!
    مجرد ذكرك لجملة “عايز أختار” يبقه تبعد كلمة “الحب” من حساباتك لانك بتحب الأول بقلبك الأول وبعد كده بتعرف عقلك وتقوله حصل كذا وكذا ويقعد القلب مع العقل ويقنعوا بعض وفى الأخر بردو القلب اللى بيكسب.
    اللى أنا شايفه انك عندك فراغ عاطفى وبتحاول تصبر نفسك بالكلام دا .. متزعلش من كلامى بس دا حقيقى اللى أنا شايفه وخصوصا ان مواضيعك اللى من النوع دا بتكون كلها على نفس الوتيرة!

    • بالعكس يا سلطان منكرش انى كان عندى من فترة فراغ عاطفى .. لكن خلينى اقولك ان الفراغ العاطفى بيخليك تقبل اى حد وخلاص مجرد انه يشغل الفراغ لكن ده مش بيحصل رغم وانت عارف الاختيارات كتير حولينا .. لكن كون انى لسه بحسبها بالمنطق ده دليل انه مش موجود على الاطلاق .. اعتقد ده

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: