When geeks be in relation!

من فترة بدأ موسم الارتباط عندى اصحابى فيه اللى ارتبط رسمى وفيه اللى بيكافح عشان يرتبط رسمى 

الغريب فى الامر اللى خلانى احلل الموضوع تشابه الحالات .. يعنى ايه؟

بما ان كل اللى اعرفهم او معظمهم من الجيكس او المهاويس وجدت ان فى طريقتين من التفكير لما بنيجى نرتبط حتى الان لا اعلم ان كان لسبب واضح ولا من قبيل الصدفة 

اول النوع وهو التزاوج الجيكى بمعنى ان جيك يرتبط بجيك اخر 

تعالى نشوف المزايا 

اولاا حياتهم هاتبقى متوافقة الى حد كبير فى التفكير فى الطموح وممكن الاراء وطريقة المعيشة وهايقدرو يساعدو بعض وينجحو مع بعض كل واحد فاهم التانى بشكل كبير 

ثانياا وده الاهم انهم لما يجو يألشو على بعض الش جيكى هايفهموه بسرعة 

العيوب

العيوب انهم هايفقدو نص العالم الاخر .. تصور شخصين نفس الاهتمامات نفس الطموح نفس الاراء او ان اختلفو فا هما بيتكلمو فى نفس الموضوع نص العالم مفقود زنقو بعض فى اوضة وسابو الشقة فاضية

اما النوع التانى وهو الارتباط المثالى ارتباط هادىء وصامت بعض الشىء 

غالباا ما يرتبط هذا النوع مش شخصية متعلمة وجميلة مزة يعنى … وفى الاغلب انهم بيكونو من كلية صيدلة حتى الان معرفش ايه الاسباب لكن بدون ترتيب انا ليا اصحاب كتير مرتبطين بصيادلة! 

لما سألت كانت الردود هى حلول العيوب فى التزاوج الجيكى وهى انى محتاج لما اروح اتكلم فى التليفون انسى الشغل محتاج اكتشف نصف العالم الاخر طموح فى عالم اخر مواضيع مختلفة حياه استكشافية 

المزايا هو انك هاترتاح من الكلام فى الشغل وهاتتكلم فى مواضيع متعرفهاش وتعرف عنها هاتكتشف نصف الكوكب الاخر هاتطلع من الاوضة اللى انت فيها وتشوف بقية الشقة حياه مختلفة بمعنى الكلمة 

كمان ديما هاتشوفك خارق انسان غير عادى بتحول افكارها لحقيقة بتحاول احلامها لالوان 

اما العيوب وهى انك عشان تحقق المزايا لازم يكون بينكم توافق مبدائى وده مش ديما بيحصل بسهولة 

لا وكمان ممكن تحس انها مش بتساعدك ملهاش دور حقيقى فى حياتك 

و الاهم انك مش هاتعرف تألش عليها او هاتفتحلك مجالى من الالش متعرفوش وهاتتهزم

كنت من فترة بسأل صديقى ايهاب خطاب فى الموضوع ده الله يمسيه بالخير غالباا بيتمرن على سحل المواطنين فى الجيش 

فكرنى بمقولة خالدة لدكتور احمد خالد توفيق … لما انت وخطيبتك تحبو ورك الفرخة مين هاياكل نص الفرخة ! مين هاياكل نص الفرخة التانى 

فى حالتى انا اللى هكلها 😀

كل واحد يفكر كدا ويعرضلنا تجاربه فى الموضوع وهل يؤكد ام ينفى تحليلى 

سلام

Advertisements
Tagged ,

14 thoughts on “When geeks be in relation!

  1. omnia says:

    الذكيه هى اللى تتصرف ف صدر الفرخه عشان ياكلوه هما الاتنين:-P

  2. هو انا من رائئ يا ميتو اننا لازم نحسن السلالة …. بالتعامل مع كائنات من عوالم اخري

  3. فى بداية موضوع يا ميتو لما قولت موسم الارتباط فكرتك تقصد موسم التزاوج وهلاقى باقى الموضوع عن الضفادع والأرانب بس فؤجت بكلامك اللى حقيقى أغلبة ان مكنش كلة متفق معاك فيه من حيث الوصف , أنا شخصيا أفضل الجيكس ويسلام لو من نفس الكاريير هيريحوا بعض وبعدين هى نفسها ممكن تنسينى العالم الخارجى أو نجيبه احنا لو عايزين أو أقولك احنا ممكن نكريت عالم جديد فيه الكلاسس اللى عايزنها بس والبرامترز اللى بنستخدمها فقط , وعلى فكرة أنا ممكن أتنازل وأكل صدر الفرخة عادى يعنى 😉

  4. aboelfetoh says:

    والله الراجل ده بيتكلم زي الفل أنا كأبو الفتوح اتبسطت وربنا 🙂
    مع ان تلت أربع الكلام ده متكلمين فيه مع بعض بس يلا قشطه 😀

  5. طيب ..أنا شايف إن فيه نقطة غلط في المعادلة اللي بتحسبها وهي نقطة خطيرة جدا الحقيقة .. مين قال إن الحاجات دي بتتحسب بالمزايا والعيوب؟ 🙂
    نظريتي المتواضعة بتقول إن كل شخص ليه ما يسمى بالـ
    The one
    فيه بقى اللي الشخص ده بالنسباله من مجال تاني فيه بقى اللي شخص ده بالنسباله هو نفسه ! 🙂 وبرضه مين قال إن المجال العملي هو المقياس؟!!! ليه بنحاول نحط مقاييس من الأساس؟! المعادلة كلها غلط يا مولانا لإن مينفعش معادلة من الأصل ! 🙂 لإن لما تختار الشخص ده مش هتفكر في المزايا والعيوب لإنك هتلاقي نفسك بتفكر في إن هو أصلا مكانش ينفع غير الشخص ده
    🙂

  6. WaleedReDa says:

    الذكية هتخليك تمشى على عجينة متلخبطوش بس الحياة هتكون مثيرة
    المستسلمة هتمشى على عجين متلخبطوش بس الحياة هتكون مملة

  7. kareem alaa says:

    انا مع راى كريم ان الموضوع مش معادله بنحسبها هى كيميا زى ما قال الاستاذ احمد مكى اتنين اتقابلوا عرفوا بعض حبوا بعض وقرروا يكملوا حياتهم كلها مع بعض من غير بقى ما يدخل ف تفاصيل ان كان الاتنين دكاتره ولا الاتنين جييكس ولا هو دكتور وهى معاها دبلوم تجاره…انها الكيميا 🙂

  8. Mohamed fawzy says:

    Lool listen ya handasa 😀
    hwa el kalam sa7 as general bas anyway fy el two types it’s depend on man/girl personality y3ny mn el akher kda hwa da 7asb anta w hya btfkro ezay mmkn tb2a SWE w hya SWE bardo w 3ndko concept real life such as traveling dancing thinking etc w da 3la fkra mogod da abc fy SWE enk tkon related with other fields 3shan ta3ml software solution masln 😀 so hekon prefect enk tertabt b geek like you lw hwa geek sa7 htb2a eldonya eshtaaaaaaa 😀
    aktr mn eno 7aga tanya reason fo that at least she know what are you doing spend at least 12 hour in front of your laptop write dozen of codes not good for girls 😀 ( real problem for friend of mine )

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: