That’s me [هذا انا!]

This photo by yuorme

اهلاا .. بعد ما يقرب من عامين من التدوين وتقلبات المدونة من عصور اذدهار لعصور تراجع .. احب اعرفكم بنفسى

انا محمود متولى – خلو اسم محمود ده سر بنا – او كما يطلق عليه الكثير ميتو .. انسان مهمل ومتسرع .. نفسه يحقق حاجات كتير فى اسرع وقت معرفش ده اللى اسمو الطموح ولا قلة رضاا مش عارف

احلامى او اللى مقتنع بيه ان الاحلام مش ثوابت الاحلام دى زى التراك اللى بتجرى فيه تراك غير معلوم النهاية كل ما تتقدم شوية كل ما تشوف اكتر وتحلم اكتر .. بحلم بحاجات كتير شخصية فى شغلى ومادية منكرش اكيد

الاوقات دى بقا بقيت حاسس انى بموت ب البطىء … صحتى فى تدهور ده يفسرلكم مهمل .. مهمل حتى فى حياته الشخصية ويوم ما حاولت اشارك حد حياتى برده خسرته بتسرعى و عصبيتى

متسرع اكيد وصلتولها متسرع عايز اشوف احلامى حقيقة فى اسرع وقت .. حاسس انى بحارب فى مليون جبهة وحاسس ان نهايتى هاتبقى زي احمد السقا فى فيلم تيتو مش هاكسب نفسى ومش هاعيش سعيد

محبط صح .. انا بس فوقت او بحاول افوق نفسى قلت اسرد نقاطى السلبية عشان اوصل لحل بس اللى قررته ان الفترة اللى جاية دى هالعب على ونجين فى طريقين فى تراكين .. تراك منهم قديم وهو احلامى وشغلى ومستقبلى بس بشكل منظم وواعى و التراك التانى الجديد هو انا ايون انا صحتى اخلاقى علاقتى بربنا كنت اتمنى اكيد يكون معايا حد يشاركنى افكارى لكن الافضل انى اعتمد على نفسى ولوحدى

عارف ان البوست دى مش مفيدة لاى حد بس بصراحة هى مفيدة لنفسى كنت محتاج افكر بصوت عالى و لا صوت اعتقد يعلو على صوت التدوين … اتمنى انى اعرف اكمل حياتى زى ما انا بحلم

اسف لكل اللى ضايقته اللى وقع من حياتى باهمال منى و اسف للخسرته لقلة خبرتى الاجتماعية … انا اسف 

Advertisements
Tagged ,

6 thoughts on “That’s me [هذا انا!]

  1. Bahy Mohammed says:

    انت كده اخترت الطريق الصح “هو انك تواجه نفسك بسلبياتك ” عشان تكمل فى حياتك صح ….. ربنا يوفقك يا محمود 😀

  2. esl4m says:

    هو انت مين قالك تتكلم عني ؟؟؟
    وﻻ دا بوست عنك ؟؟

    هقولك على معلومة اضف الى معلوماتك
    ظهور الكرش لرجل رياضي قديم دا يعني انه مقصر جدا في حق نفسه وصحته
    ودا اكتر شئ يخليني اكتئب
    😦
    يا عزيزي كلنا ضائعون
    شوف حد ينتشلنا من الضياع دا
    !!

  3. Marwa Zidan says:

    الحياة تجارب يا ميتــو و اللي مريــت بيه و كتبته دا طبيعي جدا لأي شاب في سنك … بس الأحلى انك تقف و تراجع نفسك و تواجهها في السن دا برده .. بدري يعني 😉
    و ربنا ان شاء الله يوفقك في اللي جاي و يعوضك خير في اي – شخص أو حاجة – خسرتــه\ها
    :))))

  4. مفيش حد ملوش سلبيات مفيش حد ملوش عيوب .. بس ربنا خلقنا كدا عشان نتعلم من الغلط
    مش عيب انك تحلم مش عيب انك تسعى في تحقيق حلمك وباقصى سرعه وتقع وترجه تقوم تاني
    على فكره الاحلام مش بتنتهي واللسته مش بتخلص واللي بينتهي وبيخلص هو العمر والواحد لسه بيامل
    انت طموح جدا وبتحاول وبتسعى وبتجري وبتقع وبتقوم وكل دي مميزات
    ولكن كونك وقعت دا تدبير ربنا عشان يختبرك اولا وعشان تقوم تاني وتتعلم من غلطك
    انا في نظري عيبك الوحيد (بمعنى كلمة الوحيد) مش انك متسرع او ضعيف اجتماعيا لاء خالص
    عيبك انك لما بتاخد وقت عشان تقف تاني وبتسيب نفسك للاحباط ودا مينفعش مع الطموح اللي عايز يثبت ذاته

    خدها مني نصيحه من اخ .. كل اللي بيحصل هو تدبير من ربنا
    قل لا يصيبنا الا ما كتب الله لنا .. وعشان عشان كدا كله خير
    اعرف المغزى من ورا اللي بيحصلك واتعلم منه وقوم بسرعه وكمل

    اسف للاطاله .. وربنا يوفقك يا حبي 🙂

  5. Ahmed Salem says:

    اللهم انا ظلمنا انفسنا ظلما ً كثيرا ً فأغفر لنا فأنه لا يغفر الذنوب إلا أنت

    عليك ان تعلم جيداً اخي ان حياتك القادمة أفضل وأفضل بإذن الله
    فلا حياة قيمة وجميلة بدون معاناة قديمة
    وفي يوم من الأيام يتكون سعيداً جداً ولن تشعر بعم تلك السعادة وقته الا اذا كنت قد شعرت من قبل بطعم المرارة ولو للحظة
    تحياتي
    عابر
    That’s Me ،،،

  6. Duke says:

    klam ra23 ,,, k2nk bt7ke 3ne

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: