انا ملحن!!

السلام عليكم

من اللطيف فى الحياه اللى عايشنها دى الصدف وسخريتها

انا مستمع جيد للاغانى وبتابع دوما الكتاب و الملحنين المشهورين – غاوى يعنى – لكن مكنتش متوقع انى ابقى ملحن

الموضوع حصل بمحض الصدفة وخبيته ع كل الناس لانى كنت مستنى اشوف ردود الافعال من غير ما يبقى انا فى الصورة

و الحمد لله تحقق الحلم

ولحنت لفنان كبير جداا وبحترمه جداا … محمد عدوية اغنية جميلة جداا اسمها سابتنى

حلوة صح .. صدقتو صح

لا بس ده محصلش

النهاردة شخص لا يعيبه شىء ليس عليه اى ملام الصراحة

ضفنى ع الميل

اهلاا بيك مين حضرتك

هو : اسمك منور ع الكفر

سكت برهة افكر هو انا عملت تصميم كفر لحاجة مش فاكر

بادرنى هو

انا فلان الفلانى .. شاعر غنائى وبيعجبنى الحانك وحابب يكون فى تعاون بينا !!

ظهرت علامات التعجب فى راسى !!

رديت فى اكيد سوء تفاهم .. انا مش ملحن

بادرنى بسؤال منطقى .. هو انت مش محمود متولى ؟ رديت اه فعلاا

مش انت ملحن اغنية سابتنى لعدوية !!

استغربت لانى اصلاا بسمع الالبوم ده ليل نهار ومجاش فى بالى ابص للالبوم اعتزرت له ثوانى ورحت وبصيت لقيت اسمى !!

https://i0.wp.com/img413.imageshack.us/img413/4692/cdcover2i.jpg

رجعتله وقلتله

تصدق اه .. محمود متولى !!

بس والله انا مش ملحن خالص انا مجرد سميع عادى يعنى

بادرنى بدليل قاطع

هو مش حضرتك الويب سايت بتاعك اسمه

mahmoudmetwally.com

قلتله اه ده فعلاا

بعتلى صورة اللى ادامكم دى

https://i2.wp.com/img97.imageshack.us/img97/3018/60984163194110361632100.jpg

انا لو منه اصدق .. شىء غريب وصدف اغرب فكرنى بحاجة زى دى حصلت ادامى

للباشمهندس احمد سليمان

الصدف دى لذيذة اوى بتدى روح للحياه … غريبة رغم حبى للميوزك الا انى عمرى ما كنت اتوقع انى الحن … بس ممكن افكر بقا

سلام

Advertisements

5 thoughts on “انا ملحن!!

  1. elahlawy says:

    هههههههههههههههههه
    ﻻ حلوة والله
    😀

  2. Mustafa El-Houseny says:

    ههههههههههههههه
    حصلتلى مرة ولحد الوقتى مش فاهم حصلت ازاى ومش مقتنع.

    من ايام ثانوى ولغاية اولى كلية كنت بألف اغانى والحنها بس مع نفسى وعمر ما حد سمعلى حاجة عملتها….وفيوم وانا فى سنة تانية كلية…كان تالت يوم العيد..لقيت الوبايل بيرن …رقم غريب ومفتاح دولة مشفتوش قبل كدا…رديت.
    انا:الو!!!
    هى:الو سلام عليكم.
    انا:وعليكم السلام….مين؟؟
    هى:انا جيهان
    انا:اهلا وسهلا…جيهان مين؟؟
    هى:جيهان أسيف.
    انا:اها….هو حضرتك تعرفينى؟؟؟
    هى:ما ادرى انا لقيت رقمك متسجل عندى ومكتوب انك مؤلف وملحن فقولت ارسلك التهانى بمناسبة العيد.

    ؟؟؟؟؟؟؟؟؟؟؟؟؟؟؟؟؟؟
    انا:ازاى؟؟؟محدش يعرف انى بألف ولا ألحن ازاى رقمى وصل لحضرتك وكمان برا مصر…هو حضرتك منين.
    هى:والله مش فاكرة الرقم وصلنى منين..انا من المغرب…

    وقالتلى على اغانى ليها وطلع نفس الصوت…وطلبت منى انى أألفلها او الحنلها وانها جاية مصر فى شهر خمسة ولو ممكن نتقابل وهيكون موجود مدير اعمالها ونتفق وحاجات كدا
    وكان ردى:انا آسف جدا بس انا حاليا مبطل االف والحن ومش ناوى ابيع حاجة من اللى علتها ….آسف مرة تانية.

    وانتهى الاتصال

    بس حلو يا ميتو والله.
    😀

  3. mohammed Abd elhady says:

    هههههههههههههههههههههه
    يا واد يا جااااااااااامد
    بتلحن من غير متقول ليا
    لما اشوفك بس

  4. The dream says:

    ههههههههههه طيب انا فعلا صدقت اول سطرين دول والله … وكمان انا بحب الاغنيه دي اوي اكتر اغنيه ف الشريط كله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: