معانى المفردات

https://i0.wp.com/techliberation.com/wp-content/uploads/2009/10/steigman-steve-blown-away.jpg

السلام عليكم

بقالى فترة بقيت ببص للدنيا بطريقة ناقضة وفاحصة – حلو الكلام – بمعنى بحاول احلل كل حاجة حوليا اكتشفت حاجات كنت فاهمها غلط او عايز اوضحها لنفسى قبل اى حد

الفرق بين الاستقلال والوحدة !!؟؟

زمان كنت متخيل ان الاستقلال هى الوحدة وده غلط جداا وتفكير متسرع .. الاستقلال ده ممكن يحصل حتى وانت وسط 500 شخص

مستقل بحياتك بمالك بتصرفاتك بتفكيرك .. واعتقد كلنا وصلنا لسن كلنا بقينا فيه مستقلين الا البنات لانهم دائماا كائن تابع وده مش نقطة النقاش الان ولا مجادلة

لكن الوحدة هو الخرم او السوس اللى بيخرم – بينخور – ف عقلك ونفسيتك .. الوحدة بتديك الاستقلال الجسمانى لا النفسى بمعنى انك جسدياا لوحدك بس معنوياا انت مش لوحدك معاك اوهامك واحزانك وضميرك وتفكيرك ودول لو طلعولك مرة واحدة هاتبقى زى ما انا كنت اخر يوم

واقف ادام مرايا ف غرفة خالية وبتخانق مع نفسى  – وانا ماسمحش لواحد زيي يعلى صوتى عليا – شىء قاسى رغم انى كنت احسبه الحرية الكاملة ولكنه غير مستحيل يمكن التأقلم عليه بكل سهولة زى التدخين عادة سيئة

تانى نقطة

الكذب والخيانة !!؟؟

بدون تدخل دينى وتحديد شرعيته او تحريمه فا الكل يعلم النقطة دى الا ان الكثير لسه بيكدبو حتى لو الهدف نبيل فا هى خيانة و الخيانة من اسوء الصفات اللى ممكن حد يتصف بيها

ليه خيانة ؟؟

لان بمجرد بدأ علاقة زمالة صداقة او عائلية او مثلاا خطوبة وزاج , فا احنا من لحظتها بنكتب هاعد وميثاق افتراضى ومن اهم مبدأ الميثاق عدم الكذب لان الطرف التانى ما كسرش القاعدة دى هو كمان حتى لو كسرها وكذب يبقى من الاول العلاقة فيها حاجة غلط

لو الخيانة المادية صعبة ف الخيانة النفسية اصعب او الاتنين بنفس الصعوبة لانك بتخل او بتخون او بتنفض بمعنى اصح لاهم بنود العلاقات الاجتماعية

انا بكره الخيانة والكذب حتى لو كذبت سابقاا كان جوايا شىء يؤلمنى وسريعاا ما كنت اعترف بذلك عشان ضميرى يرتاح

ريحو ضميركم واعترفو حتى لو الاعتراف صعب وهايخسركم كتير لكن هايكسبكم نفسكم ادام نفسكم

سلام

Advertisements

7 thoughts on “معانى المفردات

  1. emy says:

    Gamda Geddan .. 3ndk 7a2 fe klamak …
    waiting 4 more
    keep it up 🙂

  2. elahlawy says:

    بص هو كلام جميل وكلام معقول مقدرش اقول حاجة عنه
    غير بس اننا المفروض منسيبكشي قاعد لوحدك في الشقة تاني
    😆
    الكدب على فكرة لو ليه هدف نبيل – انك تصلح بين 2 مثلا – يبقى كويس وحلال
    ..
    انا مش ببرر الكدب – انا يمكن اكتر واحد في الدنيا دي بيكره الكدب
    واللي بيكذب عليا ممكن اقطع علاقتي بيه نهائيا
    !!
    بس الاول اعرف هو كذب ليه ؟

  3. muhammedsaied says:

    حقيقي هايل … عجبني جدا الفرق بين الوحده والإستقلال ..
    ربنا يكرمك

    عندك بنر للمدونة بتاعتك احطه عندي ؟

  4. The dream says:

    الكذب نوع من انواع الخيانه .. لانه خيانه للثقه .. بس ساعات الكذب بيمنع مصيبه كبيره المهم انه ميضرش حد .. انما الكدب عشان نبرر تصرفات او كده ده مش محبوب
    انا فعلا بعمل حكاية اني اكذب دي بعدين اما اللي قدامي يهدي اقوله الحقيقه واقوله سبب اني كذبت وغالبا مش بيزعلم لان ببقي عامله كده عشانهم .. اهم حاجه انهم عرفوا الحقيقه مني مش من بره

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: