شاهد شاف كل حاجة !

https://i1.wp.com/fc00.deviantart.com/fs12/i/2006/274/d/3/contradiction___feelings_by_dmsapr.jpg

امس كانت المفترض ان تكون ليلة القدر لرمضان 2010

وبما ان رمضان مختلف ف القاهرة فا أكيد ليلة القدر مختلفة تماماا

امبارح او الليلة اللى فاتت خرجت من شغلى متأخر ولاحساسى انى متأخر بدأت الطبخ وخلصته ولأول مرة بدرى فا حطيته على السفرة الصغننة اللى هى تربيزة 50*70 سم … نص فرخ بوستر

المهم وقفت فى شباك غرفتى وبصيت للسما ودعيت شوية كدا لقتنى بسمع سباب وشتايم عادى مش مهم فكتنى وكملت دعا

أذان المغرب أذن و وبينما وانا بفطر ومشغل مسلسل الجماعة … لقيت صوت من برا زعيق وناس بتجرى فا بصيت لقيت شخصين يتبادلون الشتايم وناس بتحجز .. عادى بتحصل

كل ده نورمال وطبيعى .. شوفو اللى جاى

اكتشفت من طراطيش الكلام ان عمال فطاطرى القليوبى بيتخانقو مع مسمط العوام وتأكدت من ده لما لقيت واحد من اللى بيهدو الموضوع بيزق واحد جوا المحل .. كل ده والناس بتفطر ف المحل عادى فجأ لقيت صاروخ عبارة عن ازازة مياه غازية راشق ف ازاز المحل ومن هنا بدأت الحرب

الناس اللى بتفطر طاااااارت بكل ما تحمله الكلمة من معنى وكمية من الزجاجات الازاز اترشقت ف محل العوام جابته ارض وكان ف اطفال مشاركة ف القذف للتسلية مش اكتر

وتبادلو التنين اطلاق النار اللى هى طوب و ازايز فارغة حتى الان

انتهت الجولة الاولى

فترة هدنة غالباا بيفطرو … ثم تدخل السلاح الابيض ف الحوار وهجم القليوبى-ين على العوام-ين وجرحو شخصين , العوامين ملقوش تصرف غير انهم يجيبو ازايز الحاجة الساقعة المليانة المرة دى ومن مشاهدتى فانها اكثر تأثيراا وجروحاا

التزمز الطرفين بأماكنهم الجديدة القليوبى-ين امام العوام ع الرصيف الاخر مع وجود جناح ايسر بجانب كشك حاجة ساقعة وده كان بمكانة ودور مخزن الزخيرة وبدأت المعركة كل شخص بصندوق وهات يا رشق والمصابين المرة دى اكثر لوجود الازايز المليانة

نظرة للمكان

الطريق فارغ من المارة و كل واحد ف ضفة وشغالين ضرب يا معلم

—-

فجأاا ظهر صوت صريخ وعويل سيدة كبيرة فـ العمر

كفاااااااااااااااااااااااااية

كفاااااااااااااااااااااية

كفاااااـــــية

خرج شخص من دوشمته اتضح انه ابنها عشان ياخدها من وسط الميدان

هنا يبان جوانب عجيبة وغير منطقية ف شخصية الانسان المصرى

صوت من الطرفين ف نفس الوقت مححححححححححدش يحدف بسسسسسسسسس

و الام  والسيدة الكبيرة تسقط وهى تحتضن ابنها – كلوز بالكاميرا وميوزك حزينة ياريت تكون ناى  – وتسقط مغشية عليها وعيونها الغارقين فى الدموع منزلتش من عيون ابنها , ليتقدم الجميع من الطرفين ليحملوها فـ عربية ظهرت ايضااا فجاا وخدوها هى وابنها وطارو

الكل صامت وهادى و على عاكس مما توقعت ان الوضع يهدأ

يخرج شخص من وسط الشجر ع الرصيف ومعاه صندوق جديد ويبدأ ف الرشق

ويعلن كلمة النهاية

فاكرين انكم كبرتو

وبنفس حركة مكى ف طير انت بس من غير صوت ده بكلمة لمكى ف فلمه دبور

اولها زى اخرها و فـ النص حرف 7

وبعدها بنصف ساعة

لمحت اتنين لابسين ابيض شبه عساكر المرور اللى فى رمسيس

وجم سمعو من الطرفين وكتبو محضر ومشو

هى دى الشرطة !!!

هو ده الأمن ؟؟؟

الشخصية المصرية اللى هو انا وانت شخصية متناقضة اوى ازاى يكون فيها الشر والخير ف نفس الوقت !!!!

كل ده ف لليلة مفترجة المفترض ان تكون ليلة القدر … لكنها مكنتش الليلة المنتظرة أبداااااااااااااااااااااااااااااااااااااااااااااااااااا

اه انا ساكن فوق المحل اللى اتهرس ده … شاهد عيان

Advertisements
Tagged

22 thoughts on “شاهد شاف كل حاجة !

  1. ciscawy says:

    أسلوب السرد جامد مع الاكثار من كلمه “رشقت” لتأكيد خطوره الموقف 😀

  2. […] This post was mentioned on Twitter by Osama Gamal, mahmoud metwally. mahmoud metwally said: شاهد شاف كل حاجة !: http://wp.me/pbQmD-at […]

  3. Marwa Zidan says:

    !!! bgd knt mstnya t2oool fe l a5r “” End of the Movie “” !…
    bs no comment 3’er “” e7na fi masr “” …. 🙂

  4. mohabsafwat says:

    هو الشرطه في هذه الاوقات بتاخد موقف انهم بيسيبوا الناس ملها تضرب في بعض وبعدين يدخلوا هما

  5. إيه ده يا عم، انت ساكن في الضفه؟
    بس أنصحك بمتابعة الموقف و اطلاعنا بأي تطورات تحصل

    و برضو من رأيي انك ماتذكرش موقف الشرطة لانه مش هايكون ليه لازمة

    • فوق الضفة اللى كانت بتتهرس تحتى

      انا كنت مستنى ويوا ويوا وكدا وناس تنزل تاخد اللى بيتخانقو وحركات من دى بس غالباا دى اللى زتونة افلام والباقى بجد وحقيقى

      ربنا معايا

  6. Reem says:

    😀 يلا ربنا يتقبل
    شكلها منطقة مُسلية أوي، شيل سلاحك وانت نازل بعد كدا بقى :D،

  7. saadtalaat says:

    Gamed el post 😀

  8. elahlawy says:

    ههههههههههههههههههههههههههههههه
    😆
    تصدق والله تنقع كاتب قصص قصيرة
    الكلمات جااامدة جداا وبتوصف الاحداث فعلا
    😀 😀

    • مش للدرجة دى يا عم انا عندى حوادث ف اللغة جامدة اوى
      ده انا كنت ف معترك ولا انتخابات مجلس الشعب

  9. e_emy says:

    لا حول ولا قوة الا بالله
    ربنا يرحمنا 😦

    المهم حمدالله ع سلامتك

  10. mohabsafwat says:

    ومعنا ميتو علي الضفه يوافينا بأحدث الاخبار ايه الاخبار عندك هي هدئ الوضع ام ماذا

  11. @all
    الموضوع الان الى حد كبير مستقر لكن الزباين هما اللى خايفين …. الزباين قلو اوى بعد الحرب

    الغريب ف الامر ان العوام لسه شغال عادى ومحله مدغدغ

    بس شكله بيظبط فيه

    اه كلها معتقدات انا منزلتش من نحية المحلات دى من ساعتها … مش خوف خالص خوف ايه بس … فى ناس بتعمل اكل احسن اطيب وابعد بس كويسين
    😀 😀

  12. فعلا انا كنت بشترى فطار من القليوبى وكان فى هناك مبادئ خناقه …. ممكن بعد ما مشيت بدأت الخناقه 😀 😀 😀
    بس انت ساكن ناحية القليوبى ولا ايه يامعلم
    انا هناك كل يوم عند الشبراوى أو القليوبى نبقى نتقابل يوم

    • انا ديماا عند الشبراوى انضفهم
      وجمبرى القليوبى مقلكش

      انا ساكن فوق كشرى المدينة الممنورة على طووول فى شباك متفيم كدا هو الوحيد المتفيم ده بتاعى

      او فوق ابو رامى اكيد عارفه

  13. انا عندى القليوبى يعنى فطيرة سجق بسسسسسسس
    والشبراوى فى باقى العك التانى 😀 😀 😀
    اوك انا هانزل بعد العيد هاكلمك ونتقابل يوم كده ولا حاجه ان شاء الله
    كل سنه وانت طيب يابومبو

  14. The dream says:

    ع فكره عادي الناس مش بقت بيهمها
    انا شنطتي باللي فيها اتسرقت ف ليلة 27 اللي هي برده مفترض انها ليلة القدر .. لا وفين وانا بصلي التهجد ف المسجد اول ركعتين لسه 😦

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: