الديمو- قراطية وانا

السلام عليكم … زوارى الكرام

انا النهاردة هاتكلم عن موضوعين مهمين جداا بالنسبة ليا قبلكم

اول موضوع وهو الديمو – قراطية , منذ ادركت الحياه من حولى وبداء ادراكى بما يطالب به شعبى وبما يقوله المسؤلين منذ هذه اللحظة وانا اسمع الجميع يطالب بالديموقراطية   واسمع ايضاا فى المقابل ممثلى الحكومة يصرحون ان فى ظل الديموقراطية ومصر تعيش ازهى عصور الديموقراطية

مين الصح ومين الغلط ؟؟ سؤال بداء يكبر ويكبر كل ما اكبر فى السن ولكنى فضلت ان ابحث عن الاجابة وحدى لعلى اصل لحل يهدنى ويخلينى اسكت , بدات ابحث عن معانى كلام الديموقراطية والدكتاتورية واحاول ان ااجد معانى وبديلها باللغة الانجليزية . وجدت وبعد بحث مضنى -بتتقال لما الواحد يتعب -ان احنا بنطلب الحاجة الغلط وكذلك الحكومة بتوفرلنا ما نطلبه اى الغلط فينا يا كبير .

حد يقولى وعرفت كدا ازاى يا بومبو -على طريقة معلقنا محمود بكر- ما نطلبه هو الديمو — قراطية , دعونا نفصل الكلمة لشقين اول شق الديمو وهى الحاجة الناقصة مش الكاملة تانى شق بالترجة الحرفية لجوجل قال معناها لنفسه ومحاولة منى لكشف معنى الكلمة كاملة وجدت اننا بنطالب بالشىء الخطاء بنطالب بحاجة ناقصة لنفسنا فا الطبيعى انهم يدولنا اللى بنطلبه نااااقص وبعمل نفس الطريقة مع كلمة الديكتاتورية او ال لديكتاتورشيب اى سفينة الدكتاتور – عزبه اهله بقا- فا طلع اللى انا اكتشفته صح جدااااااااااااااااااااااا احنا لازم نضحك على الحكومة ونطلب الحاجة من غير مساميات

بنطلب حياه كريمة وطفل يتعلم صح وشاب يقول رايه ومخفش لما حد من اهلى يعيو يلاقو الدوا و المستشفى اللى متسرقناش لا فى الفلوس ولا فى جسمنا مش عايزين كوسة ولا تحرش ولا معاكسات مش عايزين نضرب على قفانا عايزين كرامتنا برا وجوه قبل براا .. وانا كا شاب متعلمش من طفولته حاجة تخلينى اكون مبدع … بقولها وباعلى صوت انا عايز اولادى يتعلمو بلاش انا اولادى يا ريس اولادى يا حكومة . مش عايز اكتر من انى القيلهم رغيف وبيت ولبس ومدرسة مش عايز اشحت مش عايز اسافر برا اتهان لانى متهان فى بلدى وطالع اشحت برا واغسل صحون

تانى حاجة عايز اتكلم فيها هى كفااااااااااااااااااااااااااااية مش قصدى حركة كفاية مش قصدى المعارضة انا مش بتكلم عن الحكومة انا بتكلم معاكم ومعايا كا فرد من الشعب

كفاية شتيمة فيا وفى اهلى كفاية تشتم نفسك وفى اهلك مش كل حاجة هو اصلاا الشعب المصرى يستاهل ضرب الجزم اصل الشعب المصرى متربى على ال ………. اصل الشعب اصل الشعب … اللى بيتكلم مش مصرى ولا حاجة ؟؟؟

كلنا مخطئين والحل الامثل الوقتى ان كل واحد يغير من نفسه ويغير من اللى حواليه لو كل واحد عمل بما يرضى الله , معتقدش اننا ممكن نحتاج نقول الشعب المصرى ده ابن تييييييييييييييييييييييييييييييييييت

ممكن يكون الكلام ساخر بشكل غير منطقى بس حبيت اشرح وجهة نظرى واحاول ابداء بنفسى واللى حواليا واخليهم يفهمو اللى بعمله والله اعلم ممكن فى يوم اكون صح او اموت من غير ما حد يترحم عليا

سلام

Advertisements
Tagged , ,

4 thoughts on “الديمو- قراطية وانا

  1. mohabsafwat says:

    هذا ليس عصر الديموقراطية هذا عصر الحرامية

  2. emanD says:

    “مش عايز اسافر برا اتهان لانى متهان فى بلدى وطالع اشحت برا “واغسل صحون

    دي اكتر حاجة بتدايئني…
    هوا ما ينفعش الواحد يعيش حياة كريمة ف بلده؟

    بس برده في حاجات كتيرة متوقفة على الشعب…علشان ربنا يكرمه ويرزقه بحكومة كويسة..
    احنا مش بنعامل بعض وحش وبنستغل بعض.. ومحدش بيعمل حساب غير لنفسه…
    ممكن افتري الناس واكل فلوسهم بالرشوة والسرقة والنصب والشحاتة مادام انا هبقى كويس كده..

    ممكن حضرتك تقول ان الشعب بيعمل كده لأن الحكومة بهدلته..
    وممكن اقول لحضرتك ان الحكومة هي عبارة عن اشخاص الشعب شجعهم انهم يبقو كده بدل ما يوقفهم عند حدهم ويرفضهم علشان في ناس مصالحها محتاجة الفساد ده ..

    هي بقت دايرة مقفولة واولها بقى تقريبا مش معروف

    انا طولت..سلام

  3. SimbaGirl says:

    عندك حق طبعا فى كل كلمه !!
    فى ايه بتقول
    بسم الله الرحمن الرحيم
    “ان الله لا يغير ما بقوم حتى يغيروا ما فى انفسهم”
    صدق الله العظيم

    داايما اسمع بابايا يدعى ويقول ياارب ولى من يصلح
    لو الوالى وولى الامر فاسد الشعب هيكون ازاى ؟؟

    عامه انا قررت ان سفر من بلدى لاء … انا هعيش هنا واموت هنا
    ومادام هنا اهانه وذل وبرا اهانه وذل …
    انا اتهان هنا بكرامتى …
    وعلى فكره اللى عامل فينا كده كمان

    ان احنا معندناش انتماء لبلدنا
    ولا لدينا ولا لعروبتنا ولا لاسلامنا !!

    يلا ربنا يخرجنا منها على خير

    بوست راائع يا محمود

  4. key of life says:

    كفاية شتيمة فيا وفى اهلى كفاية تشتم نفسك وفى اهلك

    طول عمري بستغرب علي الي بيشتم في الشعب والله والمصريين
    أحنا مبقناش ملاحقين علي التهزيء أصلاا من جوا ولا براا
    موضوع مهم ويا ريت فعلا كفااايه
    سلام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: