ya ta3ba Kol el nas !!!!

السلام عليكم

EpicFail02.jpg Epic Fail! image by youdumbcat

الاسم عجيب انا عارف والبعض افتكر انى هاتكلم عن تامر اّه حسنى وكما قررنا نحن

IT-Legends “SOON”

اننا نعمل توبك بنفس الاسم بس المحتوى مختلف

وبما انى صاحب الفكرة فقد قررت ان ابداء

بس انا مش هاتكلم عن البنت اللى كانت تعباه دى انا هاتكلم عن حاجة تانية . مين فينا ملعنش لحظات فشله او عاتب نفسه زى اى انسان طبيعى وطبيعى انا برده عملت كداا . بس فى لحظات تفكير كدا مع اعادة شريط زكريات حياتى ولحظات الفشل والنجاح

اذ فجائة كدا قلت الحمد لله انى فشلت الحمد لله انى فاشل

محدش يستغرب ومحدش يقفل البلوج ويقول الواد ده اهبل انا عارف … بس فكر معايا كداا ليه بعد معظم لحظات الفشل بيبقى فى لحظة نجاح , عشان انت استفدت من الفشل … ادسون نجح فى التجربة المية عشان استفاد من ال 99 تجربة فاشلة . بس حقق اعجاز واختراع لم يسبقه احد اليه ونورلنا الدنيا اهو

يعنى انا بقول الحمد لله ان هندسة فرقت معايا على 0.1 فى المية والا مكنتش دخلت حاسبات وبقيت فى اللى انا فيه حالياا.. وحاجات من دى كتيييييييييييييييييييير

كل واحد كدا يغمض عنيه ويفتكر ايه اعظم لحظة فشل حصلتله

ويقولنا عليها ويحمد ربنا

الحمد لله على كل لحظة نجاح وفشل عشاتها فى حياتى لانها كانت سبب فى اللى انا فيه حالياا

الفشل ما هو الا جزء من النجاح , ان ادركه الانسان

Advertisements

20 thoughts on “ya ta3ba Kol el nas !!!!

  1. الفشل هو بداية النجاح الحقيقى
    وهو مسمهوش فشل بس محاوله خاطئه
    وكتر المحاولات والتعلم منها يؤدي للنجاح الساحق
    ان شاء الله تحقق نجاح باهر
    ان شاء الله
    🙂
    وان شاء الله حسب الاتفاقيه هيصدر نفس التوبك بس بمعنى اخر
    ان شاء الله
    ترقبونا
    😀
    وسلام يا صديقي

  2. BooDy says:

    لما شفت اسم التوبيك اول مرة توقعت ان يكون فيه شتايم لشخص كلنا بنعزه
    😀

  3. angel says:

    هو المحتوى غير العنوان غير اللى انا كنت متوقعه اقرأه خالص
    وبالنسبه لموضوع الفشل فالفشل ماهو الا مسمى وناتج فعل بيجبلى احباط مش اكتر 😀
    لكن مافتكرش انى فشلت ف وقت وقلت ان الحمد لله انى فشلت
    وكفايه سيره الفشل دى بقى لانى مش ناقصه الصراحه 😀
    وسلام عليكم

    • الفكرة انى بتكلم عن الحياه اللى تعباانا … المعنى فى جيب الشاعر

      وربنا ما يجيب فشل وخصوصاا بكرة

  4. mohabsafwat says:

    احسن حاجة انك بتكرة تامر حسني

  5. My Fate says:

    العنوان فعلا ادي إيحاء أن حضرتك هتتكلم عن الكبيرة
    😀
    بس هو فعلا طبيعي أن لحظات الفشل والنجاح اللى الشخص بيعيشها هى اللى بتخليه هو
    هى اللى وصلتني للدرجة اللى انا فيها حاليا من التفكير والتحمل
    لو الواحد رجع بالزمن وحول كل لحظات فشله لنجاح هيخسر كتير
    وبعدين بما أن النهاردة الجمعة والواحد بيقرأ سورة الكهف
    بيعرف أن اكبر تلت مصايب ممكن تحصل لإنسان
    اللى هما قطع الرزق -بالثقب فى السفينة- وموت الابن -اللى هى أصعب حاجة على الأب والأم-وتأخير الرزق
    هو كله لحكمة أعلي مننا وطلع فيها خير كتير للناس دي حتى لو مكانوش شايفين كده
    وببساطة مهما عقل الإنسان حاول يفهم فيه حاجات بيقف عاجز فيها وحاجات كتيرة بيفهمها غلط

    شكرا على الموضوع
    سلام 🙂

    • فعلا لما ميتو قال الاسم قولت انا هكتب عن الكبيره
      والكليه ومتاعبنا فيها وهو قال هيتكلم عن الدنيا والحياه بصفه عامه
      واحمد هيتكلم في نفس الموضوع باين
      ترقبونا قريبا ان شاء الله
      يعني تخمينك صحيح
      😀

  6. Rana says:

    la keter , ana 3esht fatra mn 7ayaty makansh fiha 3’er 2l fashl 2l da2em 🙂
    nice topic ..

  7. kareem alaa(Eng/keeko) says:

    بجد عجبنى الموضوع دا جدا
    فعلا انا واحد من الناس اللى بتقول عليها دى
    حصلتلى فعلا لحظات فشل جامده
    بس اهى مثلا كانت احد الاسباب انى دخلت سى اس 🙂
    والحمد لله حققت فيه نجاح
    بس مش كل الناس بتعرف تستغل فشلها ف الوصول لنجاح اكبر
    بس اللى عندهم اراده وثقه ف ربنا وثقه فالنفس
    وجامد البوست اوى يا ميتو والله
    keep going on—————->

  8. SimbaGirl says:

    الفشل بالنسبه ليا لحظه تفكير عميقه بشوف اسباب حدوثه علشان مرجعش واقع فى نفس الخطأ تانى
    الفشل أعمده بيبنى عليها النجاح
    ولو معشناش لحظات الفشل عمرنا ما هنحس بلحظات النجاح لما تيجى

    توبيك جميل
    بالتوفيق

  9. hend89 says:

    كلام سليم
    بس الواحد مش بيفتكر كده غير لما يوصل لنجاح هو عاوزه
    لكن طول ما هو لسه موصلش للي هو عاوزه
    بيفضل برضه يلعن الفشل وبيكره نفسه

  10. roma says:

    عندك حق يا ميتو

    ربنا يوفقنا جميعا

  11. thanQ Eman,Hend and roma

  12. Mariam says:

    a7la 7aga en el 3enwan ‘all comments was about’ maknsh bymathly ay 7aga el thaqafa 7elwa bardo 🙂

  13. تدوينة جامده جدا

    انا فرقت معايا علي هندسة كتير و زعلت طبعا

    و في تالتة ثانوي فرقت معايا علي اداب قسم صحافة و اعلام علي 0.1 و زعلت جدا لاني كنت بفكر ابقي صحفي او صحفي تقني خصيصا

    بس الحمد لله

    ما كنتش عارف ان وجودي في كلية دراستها سهلة و كده ممكن يفرق معايا قد ايه

    و اعرف اقابل الكات و اتعلم منهم ولا كنت لقيت وقت اصلا اعمل ايه حاجة ولا احاول اتعلم اي حاجة لو كنت دخلت كلية اصعب شوية …

    اوقات الفشل بيكون خطوة للنجاح ليس الا

    شكرا علي البوست التحفة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: