الاستيعاب

https://i2.wp.com/www.hamasna.com/rmail/bucket.jpg


الاستيعاب كلمة بعد مرور سنوااااااااات من التعليم قلة قليلة يفهمونها ويقدرونها والكثير يتعامل بنظرية الجردل

هاتفهمو يعنى ايه النظرية دى ادام .. نيجى لنقطة التوبك الاصلى وهى الاستيعاب لو رجعنا بلزمن فى تفكرنا شوية  وعملنا فلاش باك وانت قاعد على ديسكك بين اتنين او تالتهم من اى طرف ومع محاولات ايجاد مكان يستوعبك وعندما يبداء المدرس بلشرح وتتسارع انفاسه وه يلهث وراء طباشيره على السبورة ونحن نلهث ورائه على كشاكيلنا

نسال ليه كدا يا مستر يقولنا عشان منتاخرش او البعض يقول عشان متاخرين عن فصل 3/4او السنة هاتخلص من غير مناخد المنهج ما العلم ان نفس ذات المدرس بيديلى درس واراه فى الحصة يشرب شاى ودماغه رايقة .. مش مشكلة

كبرنا شوية لقيت نفسى وسط نفس الاتنين على ديسك اخر فى فصل اخر وامامى مدرس اخر ايضاا ولكنه متكاسل واو نائم او يشرح بقرف بما تحمله الكلمة من معنى لانه يرهق نفسه فى الدروس طيلة اليوم مش فاضيلنا هايجيب منين وقت يستعب كل شغله المهول … خير خير

كبرنا قليلااا لاجد نفسى بين اصدقائى على بنش , منهم واحد معايا من اول دسك قعدت عليه من مسيرتى التعليمية وامامى دكتورة رئيسة قسم وعميدة كلية ورئيسة قسم فى نفس االكلية اللى هى عميدة عليها مفيش استعاب لشغلها طبعاا وبلتالى مش لازم البنى ادمين اللى ادامها يقدره او تبص لنظرية الاستيعاب بلنسبالهم . لا , تاتى علينا ب 97 سليد وكل سليد بنظام 9*10 يعنى 90 كلمة فى السليد غير الصور و و و ولازم تديهم ومينفعش مندهمش فى محاضرة تانية تجاهلت كل العقول اللى ادامها وبدات تجرى وتلهث فى الشرائح كان عليا ان اسئل ليه؟؟؟ بس كنت اخشى من اجابة سؤالى وهى ترد عليا متاخرين .. تستفزنى جدااااااااااااااااااااا هذه الاجابة الان . محاضرة ومحاضر وطلبة , متاخرين عن فصل 3/4 برده؟؟؟ ولا احنا عندنا منهج طيب لو عندنا منهج فين الكتاب ؟؟؟ طيب احنا ليه بقينا بندش دشااا فى كلية علمية فى مادة كل العالم يدرسها عملى الا نحن .. الاختلاف تميز برده

اصابنى هذا اليوم هيسترياا بعد المحاضرة ضحك ونحن  نعانق بعضنا متجاهلين انفلونزا الخنازير ولكنن فارحين على قول واحد المحاضرة خلصت مبرووووووك

اقولها صادقاا انى حاولت بجد افهم بس شوية شوية مقدر الفهم بيقل لحد ما انعدم وبقيت زى الجردل اللى فوق

لا اخشى ان اقول على نفسى جردل فا كلنا جرادل يا عزيزى ارجع لمسيرتك التعليمية ارجع لتعداد بلدك ارجع ارجع ارجع ولكن احزر من السقوط


هذه هى قضية الاستيعاب

استيعاب مكان وعقول استيعاب وقت …. فشل زريع

الحلول ممكن تكون ايه؟؟

مدارس اكتر , التزام مدرسين اكتر, ودكاترة ,

الله اعلم

انت رايك ايه؟؟

ايه الحل ؟؟ ولا هانفضل نفتقد هذه الكلمة الا وهى الاستيعاب ؟؟

الى القاء

Advertisements
Tagged , , , , , ,

9 thoughts on “الاستيعاب

  1. Rana says:

    ممكن اعد اقول العيب ف كذا .. ووالله لو عملنا ايه يبقى ايه ..
    لكن انا فعلا ارفت م الكلام و الحل عندي بقى كلمه واحده

    selfstudy

    ما هو مش حستسلم بقى للوضع .. و انا بس اللي اخسر ف الاخر
    اني اعرف العيب فين ما بقتش قضيتي و ما بقاش عندي ليها حل و عشان استنى الحل يبقى حستنى كتييير و برضه مش حوصل لحاجه
    اعتمادي بقى على الله ثم على نفسي

    لكن اللي بيحصل ده ما بقتش لا قادره استحمله و لا عايزه افهم ليه ؟!
    و احيي حضرتك على الاسلوب المشوق 🙂

  2. baby says:

    انا متأكدة انها عارفة ان اللى بتعمله دا غلط …
    وعارفة ان اللى قاعدين قدامها دول معدوش فاهمين ووصلوا لمرحلة انعدام الفهم!!!

    وبرضو على رأى حضرتك ” مستمرة تلهث فى السليدز” !!! طب ليه ؟!
    عشان الترم صغير واحنا متأخرين
    طب متأخرين مقارنة بإية؟!!
    عشان الحشو “المناهج” لازم تخلص وخلاص بغض النظر عن ايه ممكن يحصل لينا وليها

    لا حول ولا قوة الا بالله ..ربنا يعينها على اللى هى فيه
    واللى بتخلينا نبقى فيه من تهييس ف المحاضرة دى 😐

  3. emanD says:

    احييك..
    فعلا الكل اصاب بنوبة ضحك امبارح..
    اعتقد العيب في ان…
    مفيش ضمير+مفيش احتراف = محدش فاهم اي حاجة
    ممكن تقعد مع دكتور في محاضرة ساعتين..ومتحسش بالاذية دي..
    وممكن يحصلك زي امبارح..اول نص ساعة كانت كفاية جدا…
    بس اعتقد ان بعيدا عن البحث عن المثاليات…ده ف صالحنا..
    احنا ورانا مشاريع ومش فاضيين نحاول نفهم…

    ملحوظة اخيرة..مش معنى انهم قالولنا ان الدكتورة دي قديمة وطلعت معرفش كام دكتوراه ان انا اقتنع انها مذهلة ورائعة…
    انا بكررها ف كل مناسبة…الدكتورة دي مثال لانعدام الكفاءة…
    واللي عينها عميدة..كان اعمى..او معندوش ضمير..

  4. BooDy says:

    سيبك من كل ده

    أنا ممكن أتوقع أي حاجة من الست دي

    بس اللي مكنتش متوقعه ان الناس اللي في هندسة بيشكروا فيها!!!
    😦

    تقريبا احنا ولاد البطة السودة!

    • Mohammed Safwat says:

      مين قالك كده يا عبد الله ؟
      الفرق بس ان الدكاترة عندنا بيكسلوا يستخدموا ال data show

  5. Ahmed Samir says:

    والله يابني صورة الجردل دي معبره اووي عن الموقف ده
    الناس تقريبا قالوا الي ف نفسي كله
    هانت كلها سنه ونسيبها اياكش الكليه تولع بالي فيها 😆

  6. key of life says:

    لو علي البلد علي النظام علي الكليه علي أي حاجه
    المشكله بتتلخص في “الضمير” الي هو أخر أخر أخر حاجه
    الناس بتفتكره يعنى للأسف 😦
    وفعلا زي ما بشمهندس بوودي قال
    بتوع هندسه بالنسبه لهم ملاااااك من السما
    بنلف ونرجع للضمير برضو
    !!!!

  7. diaaeldin says:

    بس انا عرفت كدا انتوا بتتكلموا عن مييييييييين ؟
    يا جدعان والله عندنا في هندسه نرفع شعار نحن في زمن البطيخ
    انا مش عايز اقولكم اني بحاول افهم محاضره كامله من اولل السنه مش عارف
    كل دكتور همه بس انه يخلص المنهج والكتاب اللي منزله
    واللي بيقرا من الكتاب بس مبيقولش حاجه تانيه يعني ممكن انا اقرا احسن منه واللي يقعد يتنطط عليك بالكلام في المحاضره وحاجه ……………..

  8. Mohammed Safwat says:

    الحل انك تشتريلك جردل محترم يشيل لحد ما تخلص..يعنى شوف حاجة أحسن من الهلال و النجمة كمان..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: