قطارات ما بين الحقيقة والاعلان

01


السلام عليكم

يعتبر انا راجع من اسكندرية من حوالى 4 ساعات

محقق ريكورد لا يحسد عليه 63 ساعة من غير نوم يتخللهم 5 ساعات نوم متقطع ما بين ساعة فى القطر و 3 ساعات

نوم وساعة فى شبه نوم

نيجى للنقطة الاساسية

ابويا كان بيفكر يروح اسكندرية عشان مناسبة عائلية

وانا رفضت رايه انه يروح بعربيتنا مش خوفاا من ال 3.200 غرامات الرادار

لكن خوفاا من العربية نفسها انها تعمل حاجة مش لذيذة فى النص

امى اقترحت القطار على اساس كلام وزارة النقل و المواصلات والتجديد والمصرى اللى على حق يقول للغلط لا

طويب

ابويا ركن العربية فى المحطة وركبنا قطر 6 الا تلت,درجة تانية مميزة سياحية

وهنا بداية قصتنا ,فوجئنا بان القطار اعلى من الرصيف بمسافة لا تقل عن ربع متر او اكثر قليلاا , يعنى القطار للشعب دون سن ال 50 الا من رحم ربى

ثانيااا

رائحة نفاذة بشعة جاية من الحمام لقينا مكان فى نص العربية تقل فيها الرائحة بشكل يسمح للتنفس

وبعد ان بداء القطار متحركاا متاخراا خمس دقائق ,بعد اتمام مبداءء رج جيداا قبل الاستخدام بداءنا فى السير قدماا

بدات عملية مطابقة منطقية بين الاعلان و الواقع

الجو مظلم الى حد كبير ولا يوجد اى اضائة , مفيش ستاند الشنط اللى الراجل بيتعلق فيه ده فكرينه

شبابيك البعض منها مكسور

الكمسرى بيعدى بين الشنط ولا  رشاقة راقصى الباليه

تشرق الشمس لتزداد الاضائة شيئاا فا شيئاا

لارى العفانة على جدران القطارات

وتهانى عم عبده البقال لحببته توتو الحبوبة

وازكار الصباح

وزكريات

حتى على باب العربات

وقبل ان نصل محطة سيدى جابر ارى سيدة مخمرة يبدو عليها التدين والاحترام تترك وريقات على ارجل الركاب وبما فيهم انا وابى

لاستقبلها واقرائها ما وجدته عكس توقعاتى بلمرة فقد توقعت ازكار او اية الكرسى او ما شابه

لكنى وجدت رسالة فحواها

اخى المسلم اختى المسلة ابنى مريض ب ………. وملوش حد غيرى الى اخر الرسالة

لابتسم على الطريقة الجديدة ليخرج ابى ما فى النصيب من جيب الجاكت ويعطيها

وصلنا بحمد الله سيدى جابر ووصلنا اايضاا بيت اقاربنا مستقلين قطر ابو قير الزى يربط الاسكندرية بمحطاتها

فوجئت ان القطار انضف بكثير من اللى كنا راكبينه رغم وجود بعض الكتابات على الجدران لكن ده تصرف شخصى

وصلنا وقضينا وقت ممتع وسط اقاربى فى اليوم التالى اللى هو النهاردة قررنا المغادرة

لم نجد سبيلاا غير قطار الصعيد محافظات لنستبدله بقطار اخر فى طنطاا, تم اعلامنا انه فى عطل وسيتاخر قليلاا

تم الوصول معلن ذلك صاحب الازاعة الداخلية

قطار رقم كذا المتجه نحو اسوان و نجع حمادى محافظات  سياحى فاخر

ركبنا سريعاا لايجاد مكان مناسب لى ولابى ولامى واختى

الحياه مختلفة وسط ناس مختلفة

القطار متحسن قليلاا لا يوجد رائحة ولقينا استاند شنط, لوكنى ملقتش استاند المعصم فى الكراسى مش مهم

الكمسرى يسير وياخد التزاكر وايضاا البائعين من سجائر لليمون لكل حاجة بجنيه ل… الخ

والكمسرى لا يتحدث

يعنى ذلك ان ده طبيعى

والحق يقال انى وجدت قطار اسبانى فاخر مكيف للقاهرة محافظات ولكن الدفع به بلحجز وتصل قيمة التزكرة 21 جنيه

القطاااااااااااااااااااااااار نضيف جداااااااااااااااا ده لانه من القاهرة ويجب ان يكون كذلك من اجل التصوير والاعلانات


من الاخر ده الجمل وده الجمال

ماذلنا ندفع ضرايب وماذلنا لا نرى تقدماا فى المرافق العامة

ماذلنا نرى اننا نسرق ونصمت

انا اكره الصوت العالى والمظاهرات والاضرابات

لكن ما فى الاعلان ما هى الا رسالة لرمى الذنب على الشعب والتخلص من المسؤلية

ولكن ان تخلصو منها الان مش هايتخلصو منه يوم يبعثون ويحاسبون على كل مليم وعلى كل شىء اتسرق واتصرف فين

ممكن تشوفو هنا بعض الصور من صديقى اسلام لموضوع يدور على نفس الحوار


اللى عنده اى صور فيديوهات تعارض او توافق الموضوع

ايريت يحطها فى كومنته

سلام



Advertisements

7 thoughts on “قطارات ما بين الحقيقة والاعلان

  1. My Fate says:

    امممممممممممممممممممممم
    هو أولا حضرتك كنت فى معركة كما هو واضح 😀
    حمدلله على السلامة للعودة إلى أرض الوطن 🙂
    بالنسبة للحكاية نفسها
    أنا مش ضد الإعلانات أنا كنت اتبسطت أن ممكن فعلا يحصل تغيير واتبسطت أن فيه ناس عاوزة توصل للشعب فكرة أنه لازم يحافظ على حاجته وعلى بلده ككل
    بس الوضع اللى حضرتك بتحكي عليه بجد حاجة صعبة قوي
    هو وضع البلد لما يوصل لدرجة أن بقي الإعلان موجه بالشكل ده وكله كدب
    يبقي أحنا رجعنا لورا قوووي
    بس على الأقل أيام زمان كدبوا على الشعب وأحنا بنحارب وخسرنا
    لكن دلوقتي أحنا بنخسر من غير ما الشعب يحارب ويحاول ياخد خطوة يغير بيها الواقع ده
    ربنا يلطف بالبلد دي
    سلاام

  2. amrawaonnet says:

    الاول شرف ليا انى ارد فى بلوج سيادتك .. برغم انى مش متأكد انى هرجع تانى اشوف رد الفعل
    بس عموما انت ممكن تكون ركبت القطر الغلط .. لانى مبركبش غير تانية مكيفة .. وهناك اقوللك ان القطر نضيف .. مكيف فعلا .. مفيش باعة جائلين .. فيه حامل للشنط .. فيه نور دايما
    لكن ممكن تلاقى شباك الشيش بتاعه مش شغال .. وده مشفتوش غير مرة واحدة للامانة
    التذاكر بحجز … والعربيات نضيفة .. ومفيش ريحة

    ما تخدعش نفسك بمصطلح مميز .. المميز هو التطور الطبيعى لالغاء الدرجة التالتة بعد حادثة هولوكوست الصعيد الشهيرة

    لذا الخلاصة .. انت لو ركبت تانية ( مش مكيفة ) اعتبر نفسك راكب تالتة .. عربية نقل ماشية

    خللى بالك من التورية :]
    بس ماتغلطش فى التانية المكيفة … اما الاولى المكيفة .. دى حاجة احسن من اللى حكيتلك عنها

    • My Fate says:

      هو كلام حضرتك مظبوط لو اتكلمنا على الدرجة التانية والأولي وأخويا قال نفس الكلام
      بس أولا الإعلان مكنش جايب الدرجة التانية المكيفة كان جايب العادية
      ثانيا مش كل الشعب عنده المقدرة يركب اولي وتانية مكيفة وخصوصا الناس اللى بتسافر كتير أو الأسر اللى بتسافر كتير والعدد بتاعها كبير
      يعني اخويا بيدفع نص تذكرة فماشى تمنها معقول
      ثالثا لما الحكومة تيجي تنضف حاجة ماينفعش تنضف جزء وتسيب التاني
      لأ وكمان بتنضف فى جزء كان معقول وسايبة الوحش اللى هو معظم الناس بتركبه اصلا
      دول بس النقط اللى اختلفت فيهم مع وجهة نظر حضرتك
      وأكيد كلنا نفسنا بلدنا تتحسن
      سلام

  3. taitos7 says:

    زي ما عمرو قال
    احجز اسباني او مراكز على طول

    تانية مكيفيه

  4. elahlawy says:

    وكله هيبقى خير ليك يا عبد القوي
    😆
    انتظرونا برضه
    😀

  5. emanD says:

    http://www.almasry-alyoum.com/article2.aspx?ArticleID=228435&IssueID=1551
    الصورة اللي هنا معبر جدا على ما اظن

    ثم موضوع درجة اولى وتانية والكلام ده
    اعتقد لازم الدرجة لو عاشرة يبقى فيها شوية ادمية ونضافة حتى لو مافيهاش تكييف
    ماهو اللي بيركبوها بني ادمين بردو

  6. Marwa says:

    لا حول ولا قوة الا بالله
    بيقولك هم يضحك وهم يبكى
    انا مش شايفه حتى الهم اللى يضحك ده
    كله يبكى :S

    حسبى الله ونعم الوكيل

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: