7ekaya mat7ktsh

https://i2.wp.com/files.mothhelah.com/upfiles/pwF03880.jpg

النهاردة هاحكى حكاية


محدش حكاها قبلى ولا حد هايحكيها بعدى

كان فى شاب ممكن يكون فى سنك كدا

كان ماشى فى طريق مكنش عارف هو رايح فين ؟؟

شوية ولقى قرية لا مش قرية بيت صغير فى اسرة كويسة اوى الى حد ما

اب وام وبنت وابن


قعد معاهم شوية مش كتير ومش قليلة

العيلة حبتوه اوى واعتبرته منها

بس هو كان بيفكر فى بيت تانى

كان بيفكر فى بيت محدش يعرفه فيه بس هو عارفه ميعرفش حاجة عنزه بس هو عايزه ممكن يكون حلمه والاكيد انه وهمه


ساب البيت اللى اهله حبوه وراعوه ومشى وسافر

شوية برده مش كتيرة ومش قليلة رجع تانى للبيت الصغير اللى حبه اهله

قالوله مش احنا قلنالك هاتتعب

رجع وعاش معاهم تانى حبوه وحسهم بس محبهومش كان لسه بيفكر فى البيت التانى اللى ميعرفش طريقه اصلاااااااااا

ولا اهل البيت يعرفوه


ساب تانى البيت واهل البيت بس المرة دى اهل البيت

قالوله

روح اجرى ودور وهاتتعب لما تفكر ترجع .. مترجعش لينا

احنا مش استراحة او لوكاندة _قديمة لوكاندة دى _ يوم ما تحس باهل البيت ده البيبان هاتتفتحلك والحياه هاتريحك


اجرى فى وهمك

والله لو لقيت اللى بتدور عليه

يبقى تمام وربنا كاتبهالك هانفرحلك اكيد


وبس

وسمعنى سلام حضن الغريب

وهايدور على اللى كان والحضن بتاع زمان ما هايلقى زينا

ما هما يروح او يغيب برده حضن الغريب مش زى حضننا مش زى حضننا

Advertisements
Tagged , ,

5 thoughts on “7ekaya mat7ktsh

  1. angel says:

    كان فيه حاجه جت فى بالى من يومين تنطبق على الحكايه دى
    جوهره متغطيه بفضه وازاز متغطى بميه الدهب
    الجوهره الناس الكويسين دول بتوع البيت الطيب
    والازاز البيت التانى اللى هو الحلم يعنى
    بس هو الواحد مش تايه اوى يعنى عشان يسيب الجوهره ويروح لالازار
    ولو مره واحده خلاص اهو اتعلم لكن كذا مره دا يبقى ايه ؟
    وذنبهم ايه الناس الطيبه اللى متهانه فى النص
    بس هو تقريبا الطموح الزايد عن اللزوم هو اللى بيخلى الشخص ده يهرب منهم ويروح لحلمه اللى ممكن يكون وهم

  2. SimbaGirl says:

    بوست راائع
    عارف الناس والبيت دوول ممكن يكونوا الوطن
    واللى بيدور عليه هيا مجرد ذهب قشره
    زى كل الاحلام اللى كلنا بنحلمها ومش شايفين مكان ليها غير برا مصر
    عامه بوست راائع بجد
    وحكايه جميله

  3. My Fate says:

    امممممممممممم
    حاسة ان البيت ده زي مصر بنحب بعض فيها بس مش مرتاحين فيها
    والبيت التانين اللى مش لاقينه هو مصر وهى احلي من كده
    بس مش عارفين ازاى نوصله
    وازاى نوصل أن المسلمين يرجعوا تاني زي ما كانوا زمان
    مش عارفة ليه قلبتها سياسة
    تقريبا عشان مش بلوجي بقي وانا مليش دعوة 🙂
    عامة أيا كان اللى حضرتك تقصده بالبيتين
    بس هى جملة واحدة تنطبق على حياة الإنسان عامة “محدش عارف الخير فين”
    سلااااام

  4. Mohamed says:

    برنس يا باشا
    وليس مايتمناه المرء يدركه
    بالتوفيق

  5. key of life says:

    حاسة أنها المشكله الأبديه
    بين القلب والعقل
    حاجه متعبه أوي لما الواحد يبقي ملزم بأختيار واحد
    ومحتار يمشي مع مين فيهم
    حلوة القصه والأسلوب
    سلام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: