ابن عصور ولا ابن اصول؟؟؟؟؟

كنت قاعد قبل الصلاه النهاردة على الجهاز وابويا فى الصالة



سال سؤال مش عارف هو قراها فى انهى كتاب من اللى بيقراهم فى وقت فراغه ولا هى وليده افكاره معرفش

بس سالنى


انت ابن اصول ولا ابن عصور؟؟؟؟

بصتله بتفكير واستغراب ودهشة فى نفس ذات الوقت

وقلتله ايه يا حج انا ابنك وربنا

قالى بجد انت ابن اصول ولا عصور؟؟؟

فكرت وقلتله

اعتقد ان ابن اصول _على اساس انها الاحسن_ طبعااا

قالى غلط

انت لازم تبقى ابن الاتنين ؟؟؟

ازاى يا ابا؟؟؟


يعنى لازم تكون ابن اصول وابن عصور


افهمها دى

يعنى انا ربيتك على الاصول فانت ابن اصول

صح؟؟

اه يقال

طيب ولازم تبقى ابن عصور بمعنى ان كل عصر وليه جديده اللى لازم نتبعه اذا كان حياه ولا شغل ولا قوانين

لازم تختار اللى يناسب الاصول المبادىء اللى اتربيت عليها

عشان لو كنت ابن عصور بس هاتبقى فاقد ومنحرف

ولو كنت ابن اصول بس هاتبقى ساذج ومتخلف

عجبنى جدااا الحوار ده

فاجيت اسال

انت ابن اصول ولا عصور؟؟؟؟


سلام

Advertisements

9 thoughts on “ابن عصور ولا ابن اصول؟؟؟؟؟

  1. My Fate says:

    هو سؤال مهم على فكرة
    بس عامة أعتقد نفسي اتربيت كويس فأنا هاخد ابن اصول قصدي بنت 🙂
    ولكن بالنسبة للعصر فمش قوي يعني أنا بحاول اتأقلم على العصر اللى احنا فيه والحاجات اللى بتحصل والمتغيرات الجديدة اللى حوالينا
    يمكن من السهل أنك تتماشى مع عصرك فى التكنولوجيا وفى العلم
    لكن من الصعب على الأقل بالنسبة ليا من الصعب تتعود على العصر اللى أنت فيه بالنسبة للناس وازاى طباعها بتتغير
    ممكن أبقي نص بنت عصور 🙂
    شكرا على الموضوع بجد مهم جدااا
    سلااام 🙂

  2. Dina Shaldoum says:

    العنوان شدنى قوى والحوار بجد جميل وسؤال اجمل 🙂

    موضوع جميل قوى والكلمتين قربين من بعض تقريبا نفس الحروف بس مختلفين تماما 😀

    بس فعلا زى ما سيدنا على قال ان احنا لازم نربى ابنائنا بطريقه تحاكى الزمن اللى هما فيه مش بطريقه زمنا احنا
    بس طبعا مع الاحتفاظ بالاخلاق والا يبقى ابن عصور بس 😀
    يعنى ماينفعش نربى عيالنا على الطريقه اللى اتربينا بيها 🙂

    اجابه على السؤال بقى : الحمد لله شايفه انى بنت اصول وبنت عصور 🙂

  3. lana says:

    حوار جميل
    ومنطقي احييكم عليه
    الانسان ابن عصور بطبيعته لأن مفيش انسان
    عايش في زمن مش زمنه او بيئة مش بيئته
    لأن الزمن بيفرض نفسه و لازم نكون مرنين معاه

    و لازم يكون ابن اصول
    ماشي بس مش اي اصول الاصول اللي تخلي الناس
    تحترمه الاصول اللي تخليه قدام نفسه وربه والناس
    محترم و واثق من تصرفاته

    • Dina Shaldoum says:

      بالنسبه لان كل انسان ابن عصور بطبيعته مش دايما يا هديل

      كنت لسه من يومين بتفرج على برنامج ان والد احد الطلبه فى الجامعه عايزه يعيش على الطريقه اللى اتربى بيها
      يعنى كان مش عايزه يلبس كاجول ومعترض على انه يلبس تيشرتات وكدا كان لازم يلبس كلاسيك وبدل وكدا وطبعا الولد معترض وفى نفس الوقت مش عايز يزعل ابوه وماكانش ينفع ينزل الجامعه كدا
      كان الحل انه يشترى اللى هو عايزه وينزل من البيت باللبس اللى باباه يحبه ويروح عند واحد صاحبه يلبس كاجول ويروح الجامعه واخد وقت على ما اقنع والده بكدا 😀
      هو طبعا ده ابسط مثل الولد قاله 🙂
      هو للاسف فيه ابهات و امهات كتير بيربوا ولادهم على الطريقه اللى اتربوا بيها فى زمنهم وطبعا ده مينفعش 🙂

    • Mr MetoOo says:

      اولااا شكراا لردك
      ثانياا انا فعلاا مع الباشمهندسة دينا
      احنا لو ثبتنا على افكار معينة هانبقى زى اللى واقفين على السريع لادرنا نجرى ولا ادرنا نوصل للى عايزينه
      لكل عصر وليه جديده بس اللى يناسب مبادئك وتقليدك واصولك اعمله غير كدا فى اكبر ريسكلبن وارميه

  4. key of life says:

    أكيد لازم الأتنين طبعا
    أصل مينفعش الناس تتواصل بالجوابات والحمام الزاجل 🙂
    وطبعا كلام الحاج والدك مظبوط
    لأنه بدل الأصول كويسة يبقي هتاخد من العصور
    الي يناسب مبادئك ومعتقداتك
    والأجابة إن شاء الله
    بنت ناس طيبين
    سلااام

  5. SimbaGirl says:

    السلام عليكم
    هوا فعلا سؤال مهم ؟؟
    بس انا نفسى اعرف
    ازاى اقدر اكون بنت الاتنين وفى حاجات اتربيت عليها تنافى حاجات فى العصر ؟؟
    انا عارفه الرد هيكون خد من العصر المميزات والحاجات التى لاتنافى تربيتك مش كده ؟؟؟
    يبقى انا كده مش ابن الاتنين ؟؟
    انا ابن اصول ولكنى اعرف كيف استخدم ماتوصل ايه العصر ؟؟
    مش ابن عصور بقى ؟؟
    ولا ايه ؟؟؟؟

    • Mr MetoOo says:

      لا يا ايمان
      كدا انتى بنت الاتنين
      ازاى؟؟
      اقولك
      انتى بنت اصول ودى عارفينها
      بتاخدى من العصور ما يناسب تربيتك واصولك … سليم؟؟
      زى برده ما فى اصول وعادات بنسبها لنها مش فرض وتقاليد اديمة ومتتوافقش مع عصرنا

      يعنى برده احنا او يارب نكون احنا المرحلة الوسط وخير الامور الوسط

      فهمانى ؟؟
      😀

      salam

  6. Falcon says:

    واد يا ميطو خلي الحج يجي مرة الكات او الكلية عشان يعرف ابنه ابن اصول ولا ابن عصور

    ههههههههههههه

    انا لازم اقوله ان انت بتشرب كانز عشان يعرف ان ابنه اخلاقه باظت

    علي فكرة بقي ابوك بيترسم عليك 😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: