مش عارف افكر .. فكر معايا بليز

اول مرة اكتب بوست هنا وانا محتاج بجد ناس كتيرة ترد

بجد انا تعبان متحير مخنوق حاسس بحاجات غريبة


الاجازة بدات وقضينا يوم روعة والكل مبسوط رجعت البيت نمت صحيت وانا لحد الوقتى بفكر فى حاجة مهمة جداا بلنسبالى


كنت ناوى اخد كورس جافا الصيف ده

اتاجل الموضوع ده او وقف

قلت ماشى مش مهم ادور بقا على شركة اتدرب فيها او اشتغل فيها

بس جيت افكر شوية لقيتنى مش متخصص فى حاجة لقتنى على مادار السنتين دول قريت فى كل حاجة واشتغلت فى كل حاجة عرفت اساسيات كل حاجة وحبيت كل حاجة بشتغلها

بس الوقتى انا مش متخصص فى حاجة لما جيت افكر هاتدرب طيب هاتدرب فى ايه وعلى ايه

طيب اكمل فى ايه جرافكس ولا برمجة ولا ويب يفيلوب

مش عارف طيب لو رحت اشتغلت تجميع او بياع فى اى شركة مش خجلان ولا حاجة ولا مستقلها بس انا لو عملت كدا

هاقتل وقتى ومش هاعرف اذاكر


مش عارف بجد محتاج ردودكم ومحدش يقولى اشتغل فى اللى تحبه لانى لما كنت بشتغل فى حاجة كنت بحبها ولما بارجعلها بحبها عادى جداااااا


مش عارف هو انا اللى غلطان انى معرفتش طريقى من الاول ولا ده الطبيعى؟؟؟؟؟


سلام

Advertisements

8 thoughts on “مش عارف افكر .. فكر معايا بليز

  1. hend89 says:

    اولا انا ماليش اى خبرة فى الموضوع ده لانى كنت كاتبه بوست ع البلوج برضه عاوزة اراء الناس

    بس هقولك وجهة نظري
    انا شايفه ان الشغل فعلا زي ما انت قولت هيضيع الوقت اوى
    إلا لو انت قدرت توفق بين المزاكرة اللى انت عاوزها وبين الشغل ده

    بما انك عرفت اساسيات كل حاجه يبقى تقدر تقرر اى حاجه فى كل اللى اتعلمته ممكن تكمل فيها وتكون شاطر فيها
    يبقى تشوف ايه الحاجه اللى هتختارها من بين الحاجات دى وتركز فيها كويس فى الاجازة وتحاول تتقنها كويس

    مش مشكله ان انت لقيت نفسك مش متقن حاجه معينه احنا لسه قدامنا سنتين
    يعنى لو الاجازة دى قررت انت هتزاكر ايه كويس وع الاجازة الجاية تكون بقيت فى حاجه انت متقنها

    وربنا يوفقك يارب
    سلام

  2. Dina90 says:

    والله احنا تقريبا كلنا كدا ..بس لو حضرتك شايف ان الشغل هايضيع وقتك يبقى الاحسن انك تركز على اللى حضرتك عايز تتخصص فيه ..ولو مثلا الشغل هاياخد كام ساعه وبعدين تذاكر اللى انت عايزه ساعتها اشتغل مع المذاكره ..او ممكن لو ممكن تشتغل وفى نفس الوقت تقرأ فى كتاب على حسب طبيعه العمل …بس والله تقريبا كلنا محتاجين ننمى نفسنا فى اى حاجه وخصوصا ان الاجازه اللى فاتت ماكوناش على وعى كامل نعمل ايه ..انما دلوقتى بدأنا نبحث بقى ونقرر ..
    وبالتوفيق

  3. sandy says:

    السلام عليكم
    انت فعلا ليك حق تحتار اوووي
    بس بالنسبه لرائي في الشغل انا بعتبر ان ده حاجه كويسه جداا والله
    بالذات للولد لانه بيعرفه علي ناس ممكن يخدموه بعد كده بالذات لو في مجال الكمبيوتر
    غير كده بيديك خبرات في حاجات كتيره
    انا بقول كده علشان شوفت ده بعيني
    انا اخويا في هندسه وهوه من النوع اللي ميحبش يعد كده في الاجازه ففتح محل لبيع الكمبيوترات وكده
    هوه المشروع مستمرش غير صيف واحد
    بس دلوقتي اتعرف في المجال ده
    وبقي بيعمل زي شغل جانبي للدراسه
    غير انه اداله خبره في حاجات كتيره للكمبيوتر
    لانه اكيد بدأ يشوف مشاكل وكده
    علي فكره هوه قسم عماره يعني مش كمبيوتر خااالص
    انا قولت اقولك بس علي تجربه شفتها بعيني
    …..
    عاايز رائي بقي تشوف شغل بس يكون مناسب يعني
    هتستفاد منه حاجه
    وفي نفس الوقت ميكنش عدد ساعات كتير
    عشاان لو عايز تزاكر حاجه او تتعلم حاجه
    في الاخر ربنا يوفقك للي فيه الخير
    وطبعاا متنساش صلاه الاستخاره
    سلاام

  4. angel says:

    السلام عليكم
    انا تقريباكنت فى نفس حيرتك دى يابشمهندس
    بس اللى وصلتله ان الكورسات هى الحل الاخير والحمد لله ان شاء الله هابدأ من بكره
    فانا بقترح على حضرتك تحدد المجال اللى
    انت عايزه بالضبط يعنى مثلا انت لو عايز تشتغل جافا
    يبقى تبدأ ولو من بكره تدور على مكان كويس تاخد فيه كورسات لان بصراحه شغل الكتب ولحوارات دى مش هايجيب فايده دور على مكان كويس خد فيه اللى
    انت عايزه بالتحديد وبعدها ان شاء الله هاتحس انك عملت حاجه مفيده شويه وهايبدأ مستقبلك فى الظهور شويه شويه ,المهم انك تلحق نفسك بسرعه وتحاول تتخصص فى حاجه دلوقتى
    انا قولت لحضرتك اللى انا شايفاه واللى انا ان شاء الله هاعمله وربنا يساعدك ويساعدنا كلنا ان شاء الله
    ——-
    وبالنسبه للشغل فده شئ طبيعى انك تشتغل فى اى حاجه
    ولازم تجرب كل حاجه امال بيسموها مسئوليه ازاى
    انا مش هاقدر افيدك اكتر من كده
    وانت الحمد لله دلوقتى عندك خلفيه كبيره جدااااا عن كل حاجه وهاتعرف توصل للى انت عايزه ازاى لانك الحمد لله عندك القدره على الوصول ,ماتخليش بس الياس يوصلك وبص لقدام وابدأ من بكره ان شاء الله

    يعنى من النهايه اشتغل عادى فى اى حاجه وفى نفس الوقت زود من مهاراتك وخبرتك بالتعليم وربنا يهديك للطريق الصح وربنا معانا كلنا

    ومعلشى بقى على رغى الغير متناهى

  5. eman says:

    السلام عليكم..

    حضرتك متأكد انك تعمقت كفاية في الحاجات دي علشان تحبها كلها؟

    لو فعلا كده…

    تمسك اكتر حاجة انت عارف فيها حاجات..

    اكتر حاجة بتجيدها..
    وتركز فيها لوحدها..
    وتحاول تخلصها…

    بس تخلصها يعني تخلصها..
    انت هتقعد تزاكر فيها 4 شهور

    كأنك معندكش الا مادة واحدة..

    بس اقتراح..

    الحاجة دي يستحسن تكون برمجة من اي نوع..
    لأنها اكتر حاجة ممكن تستخدمها في السنتين الجايين ان شاء الله
    وهتلزمك في المشروع كمان..

    واي حاجة تانية ممكن تتاخد (قزقزة) ..بس البرمجة لازم تتعمق فيها كويس..

    بس كده…سلام

  6. noorelhoda says:

    يا ميتو انت متحير ليه ومستعجل ليه اصلاا
    بص انت الاجازه ديه حط ادامك المجال الى انت حببيته
    والى نفسك تتخصص وتستمر فيه
    حاول تعرف فيه كل حاجه سواء بقى مع نفسك او قورصاات المهم
    تحااول انك تنجز فى الااجازه ديه
    وان شاء الله فيه حكايه كده هشوفعا مع واحد حبيبنا ملنا يوم الاحد الجاى
    لو الحكايه نجحت
    هتفيد طلبة الكلية بتاعتنا كلهم
    بس انت قول يارب

  7. eng smsma says:

    السلام عليكم
    بص يا بشمهندس الطبيعى انك تكون محتار لان فى النهاية دة مستقبلك ووقتك اللى عاوزة تستفيد منة وما تتضيعهوش عشان كدة انا هتكلم فى نقطتيين
    اولا بالنسبة لهدفك وتخصصك حضرتك لازم تقعد مع نفسك وتشوف ان عاوز اية ولية وتسأل نفسك
    انا هقدر اعطى فى المجال دة ؟ هقدر الطور نفسى فية ؟ هقدر ابقى متميز فى تخصصى (المجال اللى حضرتك اخترتة)؟
    تمام حضرتك حدد وبعد ما تقرر خد راى حد بتثق فى راية
    ثانيا بالنسبة للشغل والتدريب انا شايفة ان لو فى شغل هيفيدك فى مجالك ومش هيضيع وقتك وتكون مبسوط فية ومرتاح نفسيا روح ومن غير تردد
    بالنسبة للتدريب
    انا روحت يوم تدريب بجد اتعلم فى اليوم دة اللى ما كنتش هقدر اتعلمة فى شهر اولا التدريب مش محتاج منك تخصص بقدر ما محتاج منك استعداد انك تتعلم بسرعة وتستفيد وتشوف الناس اللى بتشتغل دى بتشتغل ازاى
    بس كدة
    انا طولت اوى معلش
    بس فى الاخر حضرتك محتاج تقعد مع نفسك وتقرر هتعمل اية
    وبالتوفيق ان شاء الله

  8. my fate says:

    والله انا شايفة ان حضرتك ركز فى البرمجة وبس الاجازة دى
    ويا ريت فعلا تشتغل أنا اصلا بأحسد الولاد جدا بسبب موضوع الشغل ده لأنه بيدي خبرة أولا
    ثانيا بتعرف ناس
    ثالثا بيبقي اسمك عملت حاجة واشتغلت
    رابعااااااا
    أكيد الشغل مش هياخد كل وقتك وأكيد هيتبقي وقت تشتغل فيه برمجة وتذاكرها
    بس كده
    ربنا يوفقنا كلنا
    وسلاااااامااات

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: