kefaya keda

كفاية بقا يا قلبى

اتهد واهدى

اتوهمت ولاا حبيت النتيجة واحدة جرح

لاقادر تنساه ولا قادر تعيش من غيره

فكر شوية فى نفسك هاتعيش لغيرك لحد امتى

هاتروح هاتيجى الغلط هايبقى فيك انت

هاتحب هاتكره هاتصدق الغلط عليك انت

الغلط فيك انت… فوق محدش هايفوقك غيرك

جرح ورا جرح فوق قبل ما تموت

عيش افرح اطمح احلم وابدع

الحياه معدتش زى ما انت فاكر الحياه بقت فلوس

ونفوس على غيرها تدوس عشان برده الفلوس

حب ايه ؟؟.. الحب فى الافلام ,فى كتابة, فى اقلام

لكن فى القلوب يا حسن الختام

قتلتها النفوس عشان برده الفلوس

اه من عالم تسيده ورقة كتب عليها رقم

اشترى وبيع بيها النفوس

اهدم وشرد وبوس

ولكن طول ما البشرى عبد الفلوس هايفضل مهوس منحوس

ولو بتفكر فى قلب ههاتعيش مهروس

اوس اوس

اه يا بشر

E7lm m3aya …

تكملة لقصة الطفل

اللى كنت كاتبت عنها  هنا

نقدر نقول ان فى مسيرة جرى الطفل وقف وبص وراه رجع للسلم وهو صامت

مسك فاس كان ركنه جمبه

الفاس ده ارادته مسكه وكسر سلم اوهامه

وبنى احلام جديدة وحلم يتمنى من الله ان يتحقق

فاق ان الحياه مش اكتر من سلالم بارادتنا نبنى ونهد

بقلوبنا وعقولنا نقدر نحب نشتغل نحلم نحقق احلامنا

بقدرتنا الدنيا ممكن نحولها جنة بخوفنا بنحولها نار

فى كلمة هافضل اقولها طول عمرى

Design ur life

امسك الوانك من حب وارادة وطموح لون طريقك وارسمه

فكر فى اللى حواليك انصحهم حبهم هاتلاقى الدنيا جنة هاتلاقى كلهم مسكو الوانك وبدائو يساعدوك

طول عمرنا مع بعض فى الحياه ليه نعيش لوحدنا

اول الخلق كانو اتنين مش واحد عشان ربنا يدرك وهو خير العالمين ان الدنيا مينفعش تتعاش وانت لوحدك

لازم صاحب اخ حبيب يساعد وتساعدوه

امسكو الوانكم ولونو وارسمو احلامكم ولونو احلام غيركم ومتهدوهاش

الوقتى اسيبكم مع اجمل اغنية ممكن تسمعها فى حياتك

المنشد حمزة نميرة …. احلم معايا

احلم معايا ببكرة جاى . ولو مجاش احنا نجيبو بنفسنا

سلام

Dream ….

السلام عليكم

كان فى زمان طفل زى اى طفل عايش حياته وطفولته لعب وهبل

فجاااا حلم حلم انه يقطف نجم تخيل انه نجم كان شايفه من بعيد بس

قعد طول عمره يحلم ويقرب له

مكنش شايف فى دنيته غير حلمه

بس مكنش ليه هدف غير انه يخطف النجم ده من قصره -القصر يعنى – نام قام عاش اتعلم زاكر نجح عشان يحقق حلمه

جمع عملات الدنيا ساعتها من حب وامان واحتواء

عشان يوصل للحظة الحاسمة كان فاكر ان الحلم ده زى ما هو كان عايزه هو كمان عايزه

لكن لما وصل لاخر السلم عشان يقطف النجم ده لقاه صورة بس

صورة خالية من الاحساس صورة مستنية اى حد يقطفها لكن هى مستنتش حد فرحانة ان فى ناس عايزاها

نزل السلم وهو بيدمع لكن وهو بينزل بيبص وراه كل شوية تحدى نفسه وجرى ونط على سلالم احلام تانية كتييييييييييييييييييير لكن كل شوية يبص ورااااااه وهو نفسه مش عارف بيبص وراه مع انه زهق لانه كل ما بيبص وراه برده بيلقيه صورة بس

بقا ليه طموح اكبر واعلى من السلم ده

طالع ونازل فى سلالم احلامه

لكن عمره ما لقى اللى كان عايزه فى اول حلم حلمه

بيجرى فى طريقه لكن برده عايز يلاقى حلمه الاول عشان يبقى انجز

لكن خلص الفيلم وهو بيجرى متعرفش هايفضل يجرى لحد امتى وهل فعلاا ممكن يحقق حلمه او حلم من احلامه

الله اعلم

طفل حلم زى اى طفل

لكن حلمه سبق سنه ممكن سبق قدراته

بس قدر يعيش من غير نجمه بس لسه بيفكر فى حلمه

سلام